بۇگىنگى 1 -قاڭتار كۇنى تۋعان تانىمال قازاقستاندىق تۇلعالار
قازاقپارات اگەنتتىگى جىلدىڭ العاشقى كۇنىندە تۋعان تانىمال قازاقستاندىقتاردىڭ ءتىزىمىن ۇسىنادى.
1 -قاڭتاردا تۋعان تۇلعالاردىڭ نەگىزگى بولىگى شىعارماشىلىق جانە ونەر ادامدارى بولعانىن بايقايمىز. ماسەلەن، وسىدان 114 جىل بۇرىن قازاقتىڭ ايگىلى كەسكىندەمەشىسى، گرافيك- سۋرەتشى، قازاق بەينەلەۋ ونەرىنىڭ نەگىزىن سالۋشىلاردىڭ ءبىرى ءابىلحان قاستەيەۆ (1904-1973) دۇنيەگە كەلگەن.
سونداي-اق، 1 -قاڭتار - اتاقتى كەسكىندەمەشى، ۇلتتىق كاسىبي بەينەلەۋ ونەرىنىڭ نەگىزىن سالۋشىلاردىڭ ءبىرى، قازاقستاننىڭ حالىق سۋرەتشىسى اۋباكىر ىسمايىلوۆتىڭ (1913-1998) تۋعان كۇنى.
بۇل كۇنى ءدۇيىم قازاققا بەلگىلى مۋزىكانتتار مەن كومپوزيتورلار دا كوپتەپ تۋعان. 1909 -جىلى كورنەكتى ءانشى، كومپوزيتور، قازاقستاننىڭ حالىق ءارتىسى، قازاقستاننىڭ مەملەكەتتىك سىيلىعىنىڭ لاۋرەاتى عاريفوللا قۇرمانعاليەۆ (1909-1993) پەن قوبىزشى- كومپوزيتور، سۇگىردىڭ شاكىرتى جاپپاس قالامبايەۆ، 1904 -جىلى - قوبىزشى داۋلەت مىقتىبايەۆ (1904-1970)، 1921 جىلى - كومپوزيتور، قازاق ك س ر- ىنىڭ ەڭبەك سىڭىرگەن ونەر قايراتكەرى، ك س ر و كومپوزيتورلار وداعىنىڭ مۇشەسى قاپان مۋسين (1921-1970) دۇنيەگە كەلدى. سونىمەن بىرگە، 1 -قاڭتاردا قازاقتىڭ اياۋلى ءانشىسى، حالىق جانە ك س ر و ءارتىسى روزا باعلانوۆا (1922-2011) مەن ەسترادالىق ءانشى، مۋزارت توبىنىڭ مۇشەسى ساكەن مايعازيەۆ (1975) دۇنيەگە كەلگەن.
قازاقتىڭ ماڭدايالدى قوس اكتريساسى دا جاڭا جىلدىڭ ءبىرىنشى كۇنىندە دۇنيە ەسىگىن اشقان. 1914 -جىلى اكتريسا، قازاقستان جانە ك س ر و حالىق ءارتىسى، قازاق ك س ر مەملەكەتتىك سىيلىعىنىڭ لاۋراتى ءسابيرا مايقانوۆا (1914-1995)، ال 1923 -جىلى اكتريسا، قازاقستاننىڭ حالىق ءارتىسى، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى بيكەن ريموۆا (1923-2000) تۋعان. ءتىرى بولعاندا ول 95 جاسقا تولار ەدى.
مەملەكەتتىك بيلىك وكىلدەرى اراسىندا دا 1 -قاڭتار كۇنى تۋعاندار از ەمەس. بۇگىن ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ (1963)، استانا قالاسى اكىمىنىڭ ورىنباسارى اسقار ءامرين (1975)، اقتوبە قالاسىنىڭ اكىمى ءىلياس يسپانوۆ (1976)، ق ر بىرىككەن اراب امىرلىكتەرىندەگى توتەنشە جانە وكىلەتتى ەلشىسى قايرات لاما شاريف (1962) جانە قازاقستاندىق بەلگىلى بيزنەسمەن، قوعام قايراتكەرى، ءىرى مەسەنات نۇرالى اليەۆ (1985) تۋعان كۇندەرىن تويلاماق.
