قازاقستاندا كىمدەر 1 ميلليون تەڭگە جالاقى الادى؟
اناليتيكالىق ورتالىقتىڭ زەرتتەۋ ناتيجەسىنە سايكەس، «انكور» كادرلىق حولدينگى 2017 -جىلى قابىلداعان ۆاكانسيالاردىڭ% 2 ىندا جالاقى مولشەرى 1 ميلليون تەڭگە دەپ كورسەتكەن. مۇنداي جالاقى باسقارۋ قىزمەتىندە تاجىريبەسى بار مەنەدجەرلەرگە تاعايىندالعان.
«ماركەتينگ، قارجى جانە زاڭ سالاسىنداعى ماماندارعا جوعارى جالاقى تولەنەتىنى انىقتالدى. ەرەجەگە ساي، كورپوراتسيالاردىڭ مۇنداي كولەمدەگى جالاقىنى وزدەرىنىڭ سالاسىندا توپ دەڭگەيگە جەتكەن جانە ءارتۇرلى بيزنەس پروتسەسستە جوعارى قۇزىرەتكە يە كانديداتتارعا تولەيتىنى انىقتالدى» ، - دەلىنگەن كومپانيا حابارلاماسىندا.
2017 -جىلى ساۋدا- ساتتىق سالاسىنداعى ماماندار جوعارى سۇرانىسقا يە بولعان. ءارتۇرلى سالاداعى تەحنيكالىق ماماندار ەكىنشى ورىندا، ال قارجى سالاسىنداعى ماماندار ءۇشىنشى ورىندا تۇر. 500 مىڭ تەڭگەدەن جوعارى جالاقى ساۋدا- ساتتىق، قىزمەتكەرلەر باسشىسى، زاڭ، اكتيۆتەردى باسقارۋ، لوگيستيكا سىندى ماماندارعا تولەنگەن.
«باس ماماندار - كەز كەلگەن بيزنەس ءۇشىن ستراتەگيالىق ماڭىزى بار رەسۋرس. ولار ءۇشىن ءاردايىم ەڭبەك نارىعىندا شارتتارى وڭتايلى ۇسىنىستار تابىلادى. جۇمىس بەرۋشىلەر سەنىمدى ساپالى كادرلىق رەزەرۆ جيناۋ ارقىلى بيزنەستىڭ تۇراقتىعىلى مەن تابىسىن ارتتىرۋ ءۇشىن سانالى تاڭداۋ جاسايدى. كومپانيالار HR ستراتەگياسىنىڭ دامۋىندا وزدەرىن سەنىمدى سەزىنەدى. اتالعان سالاداعى بيزنەس تۇرلەرى الداعى ۋاقىتتا تۇراقتى تۇردە داميتىن بولادى» ، - دەيدى قازاقستانداعى انكور كادرلىق حولدينگىنىڭ ديرەكتورى ۆالەريا پەترۋنينا.
بۇگىنگى تاڭدا قازاقستاندىق جۇمىسشىلاردىڭ ورتاشا جالاقىسى - 149,9 مىڭ تەڭگەنى قۇرايدى.
Baq.kz
