قازاقستاننىڭ 1- قۇراماسى «ەۋرازيا بارىسى» تۋرنيرىنىڭ جەڭىمپازى اتاندى

فينالدا «قازاقستان 1» قۇراماسى مەن الماتى وبلىسىنان قۇرالعان «قازاقستان 2» كوماندالارى اراسىنداعى اسا تارتىستى وتكەن بەلدەسۋ «قازاقستان 1» جەڭىسىمەن اياقتالدى.

وسىعان دەيىن اتاپ وتكەنىمىزدەي وزبەك بالۋاندارى جارتىلاي فينالدا جاپونيا بالۋاندارىن 6:2 ەسەبىمەن ۇتىپ، ءۇشىنشى ورىنعا يە بولدى.

جالپى، «ەۋرازيا بارىسى» تۋرنيرىنە برازيليا، جاپونيا، كامەرۋن، گرۋزيا، موڭعوليا، تۇركيا، وزبەكستاننان ءبىر-بىردەن قۇراما كوماندالار قاتىسسا، قازاقستان ەكى كوماندا قاتىستى.

بۇلاردىڭ اراسىندا برازيليا، جاپونيا، كامەرۋن كوماندالارى قازاق كۇرەسىنەن «ەۋرازيا بارىسى» تۋرنيرىنە تۇڭعىش رەت قاتىسىپ وتىرعانىن ايتا كەتكەنىمىز ءجون.

سونىمەن ءبىرىنشى ورىن العان «قازاقستان-1» كومانداسى 10 ميلليون تەڭگەگە، ەكىنشى ورىن العان «قازاقستان-2» قۇراماسى التى ميلليون تەڭگەگە جانە ءۇشىنشى ورىن يەلەنگەن وزبەكستان كومانداسىنا ءتورت ميلليون تەڭگە كولەمىندە اقشالاي سىياقى تابىستالدى.

كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى