پاۆلوداردا سوندىرىلمەي تاستالعان تەمەكى تۇقىلىنان 1 ميلليون تەڭگە شىعىن كەلدى
«پوليتسيا ءورتتىڭ تۇتانۋىنا سەبەپشى بولعان كۇدىكتىنى انىقتادى. ول پاۆلودار اۋدانىنداعى لۋگانسك اۋىلىنىڭ 26 جاستاعى تۇرعىنى بولىپ شىقتى. اۋىلداسىنىڭ اۋلاسىندا تەمەكى شەگىپ تۇرىپ، تۇقىلىن سوندىرمەي لاقتىرا سالعان. سودان ءورت تۇتانىپ، ءۇي يەسىنىڭ قىسقى مال ازىعىنا جيناعان 90 توننا ءشوبى جانىپ كەتكەن»، - دەيدى پاۆلودار وبلىستىق ىشكى ىستەر دەپارتامەنتىندەگىلەر.
ءورتتىڭ سالدارىنان كەلتىرىلگەن زالال ميلليون تەڭگەدەن اسادى. كۇدىكتىگە قاتىستى ق ر قىلمىستىق كودەكسىنىڭ 204-بابى («بوتەننىڭ مۇلكىن ابايسىزدا جويۋ نەمەسە ءبۇلدىرۋ»)، 2-بولىگىنە سايكەس تەرگەپ-تەكسەرۋ باستالدى.
