اتىڭدى «1 مينۋتتا» قالاي شىعارۋعا بولادى - ۆاينەرمەن سۇحبات

دەسە دەگەندەي، ۆاين، ۆاينەر، يۋتۋبەر، پرانك قاتارلى قازىرگى جاستاردىڭ «ديالەكت» سوزدەرىن اعا بۋىن دا، ورتا جاستاعىلار دا تۇسىنە بەرمەۋى مۇمكىن. سوڭعى جىلدارى جاھاندانۋدىڭ اسەرى قازاقستاندا ءبىر توپ «ۆاينەرلەردىڭ» بۋىنىن قالىپتاستىرىپ ۇلگەردى. قازىرگى جاستاردىڭ قالجىڭ نەگىزىندەگى عالامتورعا تارالعان «ۆاين» اتاۋلى شاعىن روليكتەرى ميلليونداعان قارالىم جينايدى.

وسى رەتتە «قازاقپارات» ح ا ا ءتىلشىسى الماتىدا زور تانىمالدىققا يە «Jokeasses» كومانداسىنىڭ بەلدى مۇشەسى بەكسۇلتان قازىبەكتى سوزگە تارتتى. ەڭ قىزىعى، ۆاينەرلەر كومانداسى - ايىنا ايلىق شاعاتىن ءارى سالىق تولەيتىن بىرلىگى بەكەم «شاعىن كاسىپورىن» ەكەن.

«ۆاين» دەگەندى قىسقاشا ايتقاندا - شاعىن ۆيدەوروليك. 2012 -جىلى اعىلشىننىڭ «Vine» دەگەن التى سەكۋندتىق ۆيدەو تۇسىرۋگە مۇمكىندىك بەرەتىن موبيلدىك قوسىمشاسى شىعىپ، كەيىن بۇل ۇعىم جەر جاھانعا تاراپ كەتكەن ەكەن. ءازىلى جاراسقان جاستار (نەمەسە ۆاينەرلەر) بۇگىنگى كۇنى قولىنداعى ۇيالى تەلەفونىمەن- اق ۆاينداردى كەز كەلگەن جەردە تۇسىرە بەرەدى. شاعىن روليكتەردىڭ تەك قانا جەڭىل ءازىل اياسىندا توپتاسپاي، ەل ىشىندەگى وزەكتى ماسەلەلەردى كەلەكە ەتەتىنى بار. الشىسىنان تۇسكەن مۇنداي ۆاينداردى الەۋمەتتىك جەلىدە كوپتەپ كەزدەستىرۋگە بولادى.

الماتىدا ميلليونداعان جازىلۋشىنىڭ سۇيىكتى توبىنا اينالعان «Jokeasses» كومانداسى وسى ۆاين ونەرىمەن 3 جىلدان بەرى اينالىسىپ كەلەدى. توپتىڭ بەلدى مۇشەسى بەكسۇلتان قازىبەكتىڭ ايتۋىنشا، كوماندا العاش KIMEP ۋنيۆەرسيتەتىنىڭ ىرگەسىندە كۆن كومانداسى رەتىندە قۇرىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى