قازاقستاندا 1 ميلليون تەڭگەنىڭ جالعان كۋپيۋرالارى تاركىلەندى

«التى ايدىڭ ىشىندە 571 دانا جالعان تەڭگەنىڭ كۋپيۋرالارى انىقتالدى. ول اقشانىڭ جالپى سوماسى 986600 تەڭگەنى قۇرادى. بۇدان بولەك، 3700 ا ق ش دوللارىن قۇرايتىن 37 كۋپيۋرا، 1200 ەۋرونىڭ 3 كۋپيۋراسى جانە 12020 رۋبلدىڭ 9 كۋپيۋراسى تاركىلەندى»، - دەدى ەكونوميكالىق تەرگەۋلەر دەپارتامەنتىنىڭ پروفيلاكتيكالىق جۇمىس جانە باقىلاۋ ءبولىمىنىڭ باستىعى ارمان ەسەمبايەۆ استانادا وتكەن باسپا ءسوز ءماسليحاتىندا.

ونىڭ ايتۋىنشا، جارتى جىلدا 28 زاڭسىز الكوگول سەحتارى دا انىقتالدى. بارلىعى 1 ميلليون 729 مىڭ بوتەلكە اراق تاركىلەندى. سونداي-اق جۇزدەگەن ەلەكتروندىق كازينو تەرمينالدارى انىقتالدى.

ايتا كەتەيىك، سوڭعى التى ايدىڭ ىشىندە ەكونوميكالىق قىلمىستار بويىنشا مەملەكەتكە كەلگەن شىعىن 151,5 ميلليارد تەڭگەنى قۇرادى. اتالعان قارجىنىڭ ءبارى الەۋمەتتىك باعدارلامالارعا ارنالعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى