جىل باسىنان مەملەكەتتىك قىزمەتشىلەر 1 ميلليارد تەڭگەگە جۋىق پارا العان
«اعىمداعى جىلدىڭ باسىنان بەرى پارا العانى ءۇشىن 900-دەن استام ادام ۇستالدى. ولاردىڭ العان پارالارىنىڭ كولەمى ءارتۇرلى بولىپ كەلەدى. ءبىراق، 1 ميلليون تەڭگەدەن كەم ەمەس. دەگەنمەن، سوڭعى جىلدارى پارا الىپ ءىستى بولعان مەملەكەتتىك قىزمەتشىلەردىڭ قاتارى كەمي تۇسۋدە»، - دەدى ايگۇل شايموۆا.
سونىمەن قاتار بريفينگ بارىسىندا ب ا ق وكىلدەرى الەۋمەتتىك جەلىدە پىكىر جازعان مەملەكەتتىك قىزمەتشى جازالانادى دەگەن اقپاراتتىڭ قانشالىقتى شىندىققا جاناساتىندىعىن سۇراعان بولاتىن.
«مەنىڭ ويىمشا، بۇل جالعان مالىمەت. «مەملەكەتتىك قىزمەت تۋرالى» زاڭ اياسىندا دا، مەملەكەتتىك قىزمەتشىلەردىڭ ادەپ كودەكسىندە دە مۇنداي جاۋاپكەرشىلىك قاراستىرىلماعان»، - دەدى ول.
وسى رەتتە جۋرناليستەر ش ق و مەملەكەتتىك قىزمەت ىستەرى جانە جەمقورلىققا قارسى ءىس- قيمىل دەپارتامەنتى باسشىسىنىڭ مىندەتىن اتقارۋشى جاننا قابدوللا قىزىنىڭ ادەپ جونىندەگى كەڭەس وتىرىسىندا الەۋمەتتىك جەلىدەگى پاراقشاسىندا ادەپكە جاتپايتىن فوتولار مەن پىكىرلەر قالدىرعانى ءۇشىن 30-دان استام مەملەكەتتىك قىزمەتشىنىڭ جاۋاپقا تارتىلعاندىعىن ايتقانىن مىسالعا كەلتىردى.
«پىكىر جازعانى ءۇشىن ەشكىم جازالامايدى. بۇل مالىمەتتى تەكسەرەتىن بولامىز. جالپى مەملەكەتتىك قىزمەتشىنىڭ الەۋمەتتىك جەلىدە ءوزىن قالاي ۇستاۋ كەرەكتىگى ادەپ كودەكسىندە كورسەتىلگەن»، - دەدى اگەنتتىك ءتوراعاسىنىڭ ورىنباسارى.
اۆتور: مارلان جيەمباي
