ماۋ زىدۇڭنىڭ قولجازباسى 1 ميلليون دوللارعا ساتىلدى

بي- بي- سي اگەنتتىگىنىڭ حابارلاۋىنشا، ماۋ زىدۇڭ بۇل جازبانى 1975 -جىلى قىتايدىڭ كلاسسيكالىق ادەبيەت زەرتتەۋشىسى لۋ ديچاڭمەن كەزدەسۋى كەزىندە جازعان. سونداي-اق، ساتىلعان قولجازبانىڭ قۇنى اۋەلگى باعاسىنان 10 ەسە جوعارى بولعان. مامانداردىڭ ايتۋىنشا، قولجازبادان ماۋنىڭ جازۋدى قينالىپ جازعانى بايقالادى. بۇل قىتايلىق كوسەمنىڭ ءومىرىنىڭ سوڭعى كەزدەرى دەنساۋلىعىنىڭ ناشارلاۋىنا بايلانىستى بولىپ وتىر.

ايتا كەتەيىك، بۇعان دەيىن Sotheby's اۋكسيونىندا ماۋ زىدۇڭنىڭ انگليانىڭ لەيبوريستەر پارتياسىنىڭ باسشىسى كلەمەنت ەتتليگە جازعان حاتى 900 مىڭ اقش دوللارىنا جانە ەندي ۋورحول سالعان ماۋ زىدۇڭ پورترەتى 12,69 ميلليون ا ق ش دوللارىنا ساتىلعان بولاتىن ماۋ زىدۇڭ ق ح ر- دىڭ نەگىزىن قالاۋشى، قىتاي كوممۋنيستىك پارتياسى (ق ك پ) باسشىسى. ماۋ زىدۇڭ ق ح ر- دى 1949 -جىلى باستاپ باسقارىپ، 1976 -جىلعى قىركۇيەكتىڭ 9 كۇنى قايتىس بولدى.

اۆتور: مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى