استانادا 1 جاسار بالا قىتاي مەديتسيناسىمەن ەمدەلگەننەن كەيىن قايتىس بولدى
استانا پروكۋراتۋراسىنىڭ مالىمەتىنشە اۋرۋحاناعا تۇسەمىن دەگەنشە سابيگە جەكە كلينيكادا قىتاي مەديتسيناسىنىڭ ەم- دومى قولدانىلعان.
«سوتقا دەيىنگى تەرگەۋ جۇمىستارى بارىسىندا اتا- اناسىنىڭ قىتاي مەديتسيناسىن ناسيحاتتايتىن جەكە كلينيكاعا بارعانى انىقتالدى. ول جەردە ءسابي بەس كۇن بويى سۇيىقتىقپەن ەمدەلۋ ادىسىمەن ەمدەلىپ، ۇيىندە قىتايلىق وندىرىستەگى بيولوگيالىق بەلسەندى قوسپالاردى تۇتىنعان»، - دەپ حابارلادى استانا پروكۋراتۋراسىنىڭ باسپا ءسوز قىزمەتى.
قۇزىرلى ورگاندار تەكسەرۋ جۇمىستارىن جۇرگىزگەننەن كەيىن جەكە كلينيكانى ليتسەنزياسىنان ايىرۋ تۋرالى ۇسىنىس جاساعان. قازىر بۇل ماسەلەنى سوت قاراپ جاتىر.
«سوت ۇكىمىمەن زاڭدى تۇلعاعا ق ر اكىمشىلىك كودەكسى 426-بابى بويىنشا ايىپ تاعىلىپ، 294970 تەڭگە ايىپپۇل، ق ر اكىمشىلىك كودەكسى 463-بابى بويىنشا 56725 تەڭگە ايىپپۇل سالىندى»، - دەپ حابارلادى پروكۋراتۋرا.
