ا ق ش 1 ميلليارد دوللارعا جۋىق اۆتورلىق قۇقىقتى بۇزعان ۋكراينا ازاماتىنا قاتىستى قىلمىستىق ءىس قوزعادى

بۇل تۋرالى BBC اگەنتتى حابارلايدى.

ا ق ش بيلىگى الەمگە تانىمال « Kickass Torrents توررەنت» سايتىنىڭ يەسى، ۋكراينا ازاماتىنا قاتىستى قىلمىستىق ءىس قوزعادى. ا ق ش ادىلەت مينيسترلىگى حاركوۆتىڭ 30 جاستاعى تۇرعىنى ارتەم ۆاۋلينگە اۆتورلىق قۇقىقتىڭ بۇزىلۋى، اقشا جىمقىرۋ جانە باسقا دا قىلمىستار بويىنشا ايىپ تاعىپ وتىر.

ۆاۋلين سارسەنبى كۇنى پولشادا ۇستالدى. ا ق ش ونىڭ ەكستراداتسيالاۋىنا بار كۇشىن سالماق.

«ۆاۋلين عالامتورداعى تانىمال توررەنت-سايتتى باسقارادى، وندا قۇنى 1 ميلليارد دوللاردان اساتىن كونتەنت زاڭسىز تارالىپ جاتىر»، - دەپ مالىمدەدى ا ق ش باس پروكۋرورىنىڭ كومەكشىسى لەسلي كولدۋەلل.

ادىلەت مينيسترلىگىنىڭ ايتۋىنشا، Kickass Torrents سايتىن اي سايىن 50 ميلليونعا جۋىق ادام پايدالانادى. تانىمالدىلىعى بويىنشا، سايت 69- ورىندا تۇر.

ۆاۋلينگە قارسى ماتەريالدار چيكاگو ايماقتىق سوتىنا بەرىلدى جانە سوت بانك شوتىن، توررەنت ترەكەرگە بايلانىستى جەتى دومەندىك اتاۋلاردى توقتاتۋ تۋرالى شەشىم قابىلدادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى