ورالدا جەر الىپ بەرەمىن دەپ، جابىرلەنۋشىلەردەن 1 ميلليون استام تەڭگە جىمقىرعان ايەل سوتتالدى
ب ق و سوتىنىڭ باسپا ءسوز قىزمەتىنەن تۇسكەن مالىمەتكە قاراعاندا، سوتتالۋشى 2014 -جىلدىڭ جەلتوقسانى مەن 2015 -جىلدىڭ اقپانىندا ءتورت ادامعا ورالدان جەر تەلىمدەرىن الىپ بەرۋگە كومەكتەسەمىن دەپ، اقشالارىن جىمقىرعان دا، تايىپ تۇرعان. ءسويتىپ جابىرلەنۋشىلەرگە 1 ميلليوننان استام تەڭگە زالال كەلتىرگەن.
سوت تالقىسىندا اتالعان ايەل كىناسىن تولىق مويىندادى.
سوت ۇكىم شىعارعان كەزدە سوتتالۋشىنىڭ ايىبىن مويىنداپ، وكىنگەندىگىن، ونىڭ جاسىن، تۇرعىلىقتى مەكەنجايى بويىنشا بەرىلگەن وڭ مىنەزدەمەنى ەسكەردى.
سوت ۇكىمى زاڭدى كۇشىنە ەنگەن جوق.
