ەلوردادا كوشە ساۋداسىن ۇيىمداستىرۋعا 1 مىڭ ورىن بولىنەدى
«ءبىز كوشە ساۋداسىن دامىتۋ جوباسىن جۇزەگە اسىرۋدامىز. قازىرگى كەزدە كوشە ساۋداسىن ۇيىمداستىرۋ ءۇشىن 1000 ورىن انىقتالدى. بۇل تۇرعىدا تاماقتانۋ ورىندارى مەن وزگە دە شاعىن بيزنەستىڭ تۇرلەرىن قامتۋ ءۇشىن كاسىپكەرلەرگە بولىنەدى. ءوز ءىسىن اشۋعا نيەتتى نەمەسە بيزنەسىن كەڭەيتۋدى جوسپارلاعان تۇرعىنداردى وسى جوباعا بەلسەندى قاتىسۋعا شاقىرامىن» ، - دەدى اكىم.
بۇگىندە شاعىن جانە ورتا بيزنەستىڭ استانانىڭ جالپى وڭىرلىك ونىمىندەگى ۇلەسى %61 قۇرادى. بۇل ەلىمىزدىڭ وڭىرلەرىنىڭ ىشىندەگى ەڭ ۇزدىك كورسەتكىش. وسى باعىتتاعى ەلوردا كاسىپكەرلەر مۇددەلەرىنىڭ باستاۋشىسى استانا قالاسى كاسىپكەرلەر پالاتاسىنىڭ جۇمىسى زور. قازىرگى كەزدە وڭىرلىك كاسىپكەرلەر پالاتاسى مەن ەلوردا اكىمدىگىنىڭ اراسىنداعى بىرلەسكەن جۇمىستىڭ بارلىق سالالارداعى ىقپالداستىقتىڭ ءتيىمدى فورماتى قالىپتاسقان بولاتىن.
2016 -جىلعى 1 - قاڭتارداعى جاعداي بويىنشا قىزمەت ەتەتىن ش و ب سۋبەكتىلەرىنىڭ سانى 99,2 مىڭعا دەيىن ارتقان. 2010 -جىلدان وسى كۇنگە دەيىن «ب ج ك-2020» بيزنەستى قولداۋ جانە دامىتۋدىڭ ءبىرىڭعاي باعدارلاماسى اياسىندا جالپى قۇنى 84,7 ميلليارد تەڭگەنى قۇرايتىن 480 جوباعا قولداۋ كورسەتىلدى، سونىڭ ىشىندە 2015 -جىلى قۇنى 12,1 ميلليارد تەڭگەنىڭ 67 جوباسى ماقۇلداندى.
اۆتور: رۋسلان عابباسوۆ
