اتى-شۋلى «قورعاس ىسىنە» قاتىسى بار تاعى 1 قىلمىسكەر ۇستالدى

«2016-جىلدىڭ 22- قاڭتارىندا الماتى قالاسىندا سىبايلاس جەمقورلىققا قارسى ءىس-قيمىل بيۋروسى «قورعاس» قىلمىستىق ءىسى بويىنشا ۇيىمداسقان قىلمىستىق توپتىڭ بەلسەندىلەرىنىڭ ءبىرى ە. مالىبايەۆتى ۇستادى. ە. مالىبايەۆ 2007-2011-جىلدارى ارالىعىندا قىلمىستىق توپتىڭ قۇرامىندا ءجۇرىپ، كونتراباندالىق جولمەن قىتاي حالىق رەسپۋبليكاسىنان قازاقستان رەسپۋبليكاسى اۋماعىنا وتە ءىرى كولەمدە جۇكتەر مەن تاۋارلاردى جەتكىزۋمەن اينالىسقان قۇرىلىمدىق بولىمشەنىڭ جەتەكشىسى بولعان.

ە. مالىبايەۆ 2011-جىلدىڭ مامىرىنان ىزدەۋدە بولدى جانە قولدا بار اقپاراتتارعا سايكەس رەسەي فەدەراتسياسى، تۇركيا جانە قىرعىز رەسپۋبليكاسى اۋماقتارىندا بوي تاسالاعان»، - دەلىنگەن حابارلامادا.

جالپى، ۆەدومستۆو اقپاراتىنا سايكەس، «قورعاسى ءىسى» بويىنشا 31 ادامعا ىزدەۋ جاريالانىپ، ونىڭ 30 ۇستالعان. ولاردىڭ 3 ەۋى بىرىككەن اراب امىرلىگىنەن، 1 ەۋى رەسەيدەن جانە تاعى بىرەۋى قىرعىزستاننان ەلگە قايتارىلدى.

«قازىرگى ۋاقىتتا اتالعان قىلمىستىق ءىستىڭ تۇركيادا ۇستالعان سوڭعى فيگۋرانتىن قازاقستانعا ەكستراديتسيالاۋ ماسەلەسى شەشىلۋ ۇستىندە»، - دەلىنگەن حابارلامادا.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى