قازاقستاندا «شوشقا تۇماۋىنان» 1 ادام قايتىس بولدى

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا قازاقستاننىڭ باس سانيتارلىق دارىگەرى جانداربەك بەكشين ءمالىم ەتتى.

«بۇگىنگى تاڭدا (А(H1N1 شتامىنان («شوشقا تۇماۋى») 1 ادام قازا تاپتى»، - دەپ اتاپ ءوتتى ول.

ونىڭ ءسوزى بويىنشا، اتالمىش وقيعا دارىگەرلەرگە كەش حابارلاۋدان ورىن الدى.

«ەگەر دەنە قىزۋى قاتتى كوتەرىلىپ، جوتەل پايدا بولسا، ءوزىن-ءوزى ەمدەۋمەن اينالىسۋدى دوعارۋ قاجەت جانە دارىگەرلەرگە جۇگىنۋ كەرەك. شوشقا تۇماۋىنىڭ ادام اعزاسىنا اسەرى وتە قاتتى، سوندىقتان ونى قولمەن ەمدەۋ مۇمكىن ەمەس»، - دەدى باس سانيتارلىق دارىگەر.

ايتا كەتۋ كەرەك، رەسپۋبليكا اۋماعىندا (А(H1N1) ، А(Н3N2 جانە В تۇماۋ ۆيرۋستارى تۇراقتى اينالىمعا ەنگەن. رەسپۋبليكانىڭ بارلىق وڭىرلەرىندە تۇماۋ ۆيرۋستارىنىڭ زەرتحانالىق راستالعان 270 جاعدايى تىركەلگەن.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى