تۋنيستە جاس ءوسپىرىم قىز لاڭكەستەر قاتارىنا 1 مىڭعا دەيىن مەكتەپ وقۋشىلارىن تارتقان

بۇل تۋرالى بەيسەنبى كۇنى تۋنيستىك ت ا پ اقپارات اگەنتتىگى حابارلادى.

ولاردىڭ مالىمەتتەرى بويىنشا، 16 جاستاعى مەكتەپ وقۋشىسى الەۋمەتتىك جەلىلەر جانە تەلەفون ارقىلى «انسار اش- شاريا» («شاريعات جاقتاستارى» ) ۋلتراراديكالىق سالافيتتىك توپ قاتارىنا ادامدار تارتۋمەن اينالىسقان. ونى ۇستاۋ باسقا ءبىر وسىنداي ادامدار تارتۋشىنى قولعا تۇسىرگەننەن كەيىن مۇمكىن بولدى، ول تۇتقىندالعاننان كەيىن ايىبىن مويىندادى.

قازىرگى كەزدە تۋنيستىڭ بۇكىل اۋماعىندا اۋقىمدى لاڭكەستىككە قارسى ارنايى وپەراتسيا جۇرگىزىلۋدە. سەگىز كۇن ىشىندە رەسپۋبليكانىڭ ۇلتتىق گۆاردياسى مەن ءى ءى م كۇشىمەن لاڭكەستىك توپتار قىزمەتىنە قاتىستىلىعىنا كۇدىكتى 1,3 مىڭنان استام ادام ۇستالدى، دەپ حابارلادى ت ا س س.

 24 - قاراشادا تۋنيس استاناسىندا ىشكى ىستەر جانە تۋريزم مينيسترلىكتەرىنىڭ ماڭىندا جارىلىس بولدى. 13 ادام مەرت بولىپ، 20-سى جاراقات الدى. وسى كۇنى ەل پرەزيدەنتى 30 كۇن مەرزىمگە توتەنشە جاعداي جانە استانادا تۇندە كومەندانتتىق ساعات ەنگىزىلگەنىن جاريالادى. 25 - قاراشادا تۋنيستىڭ ۇلتتىق قاۋىپسىزدىك كەڭەسى 26 - قاراشادان باستاپ ليۆيامەن قۇرعاقتاعى شەكارانى 15 كۇنگە جابۋعا شەشىم قابىلدادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى