تۇرعىن ءۇي سالاسىنداعى جەكە ادامداردىڭ قارىزى 1 تريلليون تەڭگەدەن ارتىق - ۇلتتىق بانك

بۇل تۋرالى بۇگىن ورتالىق كوممۋنيكاتسيالار قىزمەتىنىڭ الاڭىندا ق ر ۇلتتىق بانكى قارجى قىزمەتتەرىن تۇتىنۋشىلاردىڭ قۇقىعىن قورعاۋ جونىندەگى دەپارتامەنتىنىڭ ديرەكتورى الەكساندر تەرەنتيەۆ ءمالىم ەتتى.

«2015 -جىلدىڭ 1 -تامىزىنداعى جاعداي بويىنشا، تۇرعىن ءۇي سالۋعا جانە ساتىپ الۋعا قارىز العان جەكە تۇلعالاردىڭ بەرەشەگى 1 تريلليون 033 ميلليارد تەڭگەنى قۇرايدى. ونىڭ ىشىندە - 882,5 ميلليارد تەڭگە ۇلتتىق ۆاليۋتادا، 150,8 ميلليارد تەڭگە - شەتەل ۆاليۋتاسىندا الىنعان قارىز»، - دەدى ا. تەرەنتيەۆ.

ونىڭ ايتۋىنشا، جەكە تۇلعالار العان، قازىردە توقتاپ تۇرعان قارىزداردىڭ ۇلەسى %14,9 قۇراپ وتىر. سونداي-اق، ا. تەرەنتيەۆ پروبلەمالارى كوپ قارىزداردىڭ كوبەيىپ وتىرعانىنا نە سەبەپ ەكەنىن ءتۇسىندىردى.

«پروبلەمالى قارىزداردىڭ كوبەيۋىنە نەگىزگى ءۇش سەبەپ بار. ءبىرىنشىسى، يپوتەكالىق نەسيەنىڭ كوپتەپ بەرىلۋى، ەكىنشىدەن، قارىز الۋشىلار كوبىنە شاماسىنا قاراماي قارىز الادى، ۇشىنشىدەن، حالىقتىڭ قارجى تۋرالى ساۋاتتىلىعى جوعارى دەڭگەيدە ەمەس»، - دەيدى ول.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى