بەلگىسىز بىرەۋلەر «فورمۋلا-1» جارىسۋشىسى باتتوننىڭ ۆيللاسىن توناپ كەتتى
ولار سپورتشى مەن ونىڭ جارى دجەسسيكا ميچيباتۋدى ۇيىقتاتىپ تاستاعان.
بۇل تۋرالى Sun باسىلىمى حابارلادى.
ەرلى-زايىپتىلار فرانسيانىڭ وڭتۇستىگىندە سان-تروپەدە ۆيللانى جالعا العان. پوليتسيانىڭ پىكىرىنشە، توناۋشىلار جەلدەتكىش ارقىلى ۇيىقتاتاتىن گاز جىبەرگەن.
«سوڭعى بەس جىلدا توناۋدىڭ بۇل ءادىسى كەڭ تاراپ كەلەدى، - دەپ اتاپ ءوتتى سان-تروپەدەگى پوليتسيا ۋچاسكەسىنىڭ باسپا ءسوز قىزمەتىندە. - مۇنداي امالدى قىمبات ۇيلەردى تونايتىن تاجىريبەلى قىلمىسكەرلەر قولدانادى.
باتتون مەن ونىڭ زايىبىنان ۇرلانعان زاتتاردىڭ ىشىندە 5 كارات گاۋھار تاسپەن بەزەندىرىلگەن نەكە ساقيناسى جانە گاۋھار تاسى بار التىن مەن پلاتينادان جاسالعان اشەكەي بۇيىمدارى بولدى. توناۋشىلار جالپى قۇنى 300 مىڭ فۋنت بولاتىن زاتتاردى ۇپتەپ كەتكەن.
باتتون «فورمۋلا-1» سىنىنا العاش رەت 2000-جىلى قاتىسقان بولاتىن. 2009-جىلعى ماۋسىمدا «براۋن» كومانداسى قۇرامىندا بريتانيالىق سپورتشى الەم چەمپيونى اتاندى.
