استانادا 1- ماۋسىمدا شومىلۋ ماۋسىمى باستالادى

جاز بەلسەندى دەمالىس ماۋسىمى: بالىق، اڭ اۋلاۋ، سۋدىڭ جانىندا تابيعات اياسىندا نەمەسە جاعاجايدا دەمالۋ. سۋعا كەتۋمەن بايلانىستى قايعىلى جاعدايلاردىڭ باسىم بولىگى دە جازدا ورىن الادى.

استانا قالاسى ت ج د سۋدا قۇتقارۋ قىزمەتىنىڭ حابارلاۋىنشا، جىل سايىن استانادا 14-25 ادام سۋعا كەتىپ قايتىس بولادى، سونىڭ ىشىندە بالالار مەن جاسوسپىرىمدەر. زارداپ شەككەندەردىڭ جالپى سانىنىڭ %70-75 ى 30 جاسقا دەيىنگىلەر، ال %20-30 بالالار مەن جاسوسپىرىمدەر.

2014-جىلى استانا قالاسى اۋماعىندا 25 ادام سۋدان قۇتقارىلدى ونىڭ ەكەۋى بالالار، سۋعا باتىپ قازا بولعاندار سانى 25 ادامدى قۇرادى. ايتا كەتەيىك، قايعىلى وقيعالاردىڭ باسىم بولىگى ماس كۇيدە شومىلۋدىڭ، سۋداعى ءوزىن-ءوزى ۇستاۋ ەرەجەلەرىن بىلمەۋدىڭ جانە ساقتاماۋدىڭ سالدارىنان ورىن الادى. سۋعا باتقانداردىڭ بارلىعى سۋعا شومىلۋعا ارنالعان جەردەن بولەك جەردە بولعان: 16 سۋعا شومىلۋعا ارنالماعان جەرلەردە، سۋ قۇرىلعىلارىنان ءوتۋ كەزىندە 4 ادام، 2 جاعداي بالالاردىڭ ءولىمى ۇلكەندەردىڭ قاراۋىنسىز قالعاندار.

اعىمداعى جىلى سۋعا 5 ادامنىڭ باتىپ كەتۋ جاعدايى تىركەلدى. 8-9- مامىردا ەر ادام - 1987 ج. ت. (سۋيتسيد)، 1989 ج. ت جانە 1990 ج. ت. (وتكەلدى ءوتۋ كەزىندە)؛ قىز بالا - 2005 ج. ت. (اتا-انالارىمەن دەمالۋ كەزىندە شۇڭقىرعا قۇلاپ كەتكەن)؛ 15- مامىردا - ۇل بالا 2006 ج. ت. (ۇلكەندەردىڭ قاراۋىنسىز).

شومىلۋ كەزەڭى 1 ماۋسىمنان باستالادى.

دەنى ساۋ، شىنىققان ادامداردىڭ قاۋىپسىز شومىلۋى ءۇشىن سۋدىڭ تەمپەراتۋراسى 18+°س، اۋا تەمپەراتۋراسى 22+°س بولۋ كەرەك.

استانا قالاسىنىڭ ت ج د سۋدا قۇتقارۋ قىزمەتى ەسكەرتەدى: قازىر ەسىل وزەنىنىڭ ۇستىڭگى قاباتى عانا جىلىنعان، ونىڭ ءوزى 15+ س قانا، سۋدىڭ استىڭعى قاباتىنىڭ تەمپەراتۋراسى 5-7+ س قانا. سالقىن سۋعا شومىلۋدىڭ، اسىرەسە سۇڭگۋدىڭ سالدارىنان قان تامىرلارى جيىرىلىپ، بۇلشىق ەتتەر قىسقارادى، ناتيجەسىندە ادام ەسىنەن تانىپ، تىنىسى مەن جۇرەگى توقتاپ قالۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى