مامىردىڭ 1-كۇنى ەلوردا تۇرعىندارى ءۇشىن سپورتتىق شارالار ۇيىمداستىرىلادى

ءداستۇرلى مەرەكەلىك كونسەرتتەر مەن حالىقتىق سەرۋەندەردەن وزگە، قالا تۇرعىندارى مەن قوناقتارى ءۇشىن سپورتتىق جارىستار ۇيىمداستىرىلادى، دەپ حابارلادى قالالىق اكىمدىكتىڭ باسپا ءسوز قىزمەتىنەن.

1- مامىر كۇنى ساعات 10.00 «قازاق ەلى» مونۋمەنتى الدىنداعى الاڭدا سپورتتىق شارالار وتكىزىلەدى. قازاق كۇرەسى، ارقان تارتۋ، بۇقا تارتىس، گىر كوتەرۋ، قول كۇرەس سەكىلدى سپورت تۇرلەرىنەن جارىستار وتەدى. كەز كەلگەن تۇرعىن اتالمىش شاراعا قاتىسىپ، كۇش سىناسا الادى. جەڭىمپازدار مەن جۇلدەگەرلەر باعالى سىيلىقتارعا يە بولادى، سونىڭ ىشىندە تۇرمىستىق تەحنيكالار دا بار.

1- مامىر كۇنى كونسەرتتىك باعدارلاما ساعات 11:00-23:00 ارالىعىندا ءوتىپ، وت شاشۋمەن اياقتالادى. اتاپ ايتقاندا، تۇنگى وت شاشۋ ەسىل وزەنىنىڭ جاعالاۋىندا، «حان شاتىر» س و و اۋماعىندا، «ارمان» دۇكەنىنىڭ ماڭىنداعى «جاس باتىر» ستاديونىندا، «Music hall» مەيرامحاناسىنىڭ جانىندا جانە ابىلاي حان داڭعىلى مەن پۋشكين كوشەسىنىڭ قيىلىسىنداعى گۇلزاردا اتىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى