جۇمىسسىزدار الەۋمەتتىك تولەمدەردى 1 - ساۋىردەن باستاپ وڭاي الاتىن بولدى
باسپا ءسوز قىزمەتىنىڭ مالىمەتىنشە، ق ر «مىندەتتى الەۋمەتتىك ساقتاندىرۋ تۋرالى» زاڭىنا وزگەرىستەر مەن تولىقتىرۋلار ەنگىزۋ قاراستىرىلعان. ونىڭ ىشىندە، وكىلەتتى ورگانعا جۇمىسسىز رەتىندە تىركەلگەن كەزدە جۇمىستان ايىرىلعان جاعدايدا تولەنەتىن الەۋمەتتىك جاردەماقىلاردى بەلگىلەۋ بار.
«وسىلايشا، جۇمىسسىز رەتىندە تىركەلگەن مىندەتتى الەۋمەتتىك ساقتاندىرۋ جۇيەسىنىڭ قاتىسۋشىسىنا زەينەتاقى تولەۋ جونىندەگى مەملەكەتتىك ورتالىققا نەمەسە حالىققا قىزمەت كورسەتۋ ورتالىعىنا الەۋمەتتىك تولەم بەلگىلەۋ ءۇشىن قوسىمشا حابارلاسۋدىڭ قاجەتى بولمايدى. سونىمەن قاتار، بۇعان دەيىن جۇمىسسىز رەتىندە تىركەلىپ قويعان ازاماتتار الەۋمەتتىك جاردەماقىنى تاعايىنداۋ جونىندە وسى ورتالىقتارعا ءوتىنىم بەرە الادى»، - دەلىنگەن حابارلامادا.
ەسكە سالا كەتەيىك، 17 - اقپاندا ق ر دەنساۋلىق ساقتاۋ جانە الەۋمەتتىك دامۋ مينيسترلىگىندە وتكەن كەڭەيتىلگەن القا ماجىلىسىندە مينيستر تامارا دۇيسەنوۆا مينيسترلىك ماماندارىنىڭ دەنساۋلىق ساقتاۋ جانە الەۋمەتتىك- ەڭبەك سالالارىندا ۇسىنىلاتىن قىزمەتتەر ساپاسىن ارتتىرۋعا كۇش سالاتىنىن مالىمدەگەن بولاتىن.
