بولگاريادا 1- اقپاندا ەكس-پرەزيدەنت قايتىس بولۋىنا بايلانىستى ازا تۇتۋ كۇنى جاريالاندى

مينيسترلەر كابينەتى جەليۋ جەليەۆتى جەرلەۋدى ۇيىمداستىرۋ جونىندەگى ۇكىمەتتىك كوميسسيا قۇردى، وعان بولگاريانىڭ بۇرىنعى پرەزيدەنتتەرى پەتر ستويانوۆ (1997-2002) جانە گەورگي پىرۆانوۆ (2002-2012) كىردى، كوميسسياعا ۆيتسە-پرەمەر رۋميانا بىچۆاروۆا باسشىلىق ەتۋدە.

«ءوزىنىڭ ومىرمەن جانە ىسىمەن دوكتور جەليۋ جەليەۆ ءبىز بۇگىندە جىلجىپ كەلە جاتقان جولىمىزعا باعىت بەردى. مەملەكەت تە، حالىق تا بولگارلار ءۇشىن بىردەن ءبىر مۇمكىن جول - ەۋروپالىق ۇلگىدەگى دەموكراتيا قۇرىلىسى جولىمەن سەنىممەن قادام باسىپ كەلەدى»، - دەپ اتاپ ءوتتى رەسپۋبليكا پرەزيدەنتى روسەن پليەۆنەليەۆ كوڭىل ايتۋ جەدەلحاتىندا.

جەليۋ جەليەۆ 1935-جىلى 3- ناۋرىزدا تۋعان. 1958-جىلى سوفيا ۋنيۆەرسيتەتىن فيلوسوفيا ماماندىعى بويىنشا ءبىتىردى، 1988-جىلى دوكتورلىق ديسسەرتاتسياسىن قورعادى.

پرەزيدەنت قىزمەتىنە جەليۋ جەليەۆ 1990-جىلى 1- تامىزدا رەسپۋبليكانىڭ جاڭا كونستيتۋتسياسى قابىلدانعاننان كەيىن بىرنەشە اپتادان سوڭ بولگاريا حالىقتىق جينالىسىندا (پارلامەنتىندە) سايلاندى. 1992-جىلى ول العاشقى تىكەلەي پرەزيدەنت سايلاۋىندا جەڭىسكە جەتىپ، بەس جىل بويى مەملەكەت باسشىسى بولدى.

بولگاريا حالىقتىق جينالىسى ەلدىڭ تۇڭعىش پرەزيدەنتىن ءبىر مينۋت ۇنسىزدىكپەن ەسكە ءتۇسىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى