قازاق ستۋدەنتتەرى يسلامدىق قارجىلاندىرۋ بويىنشا بايقاۋدا 1 ميلليون تەڭگە كولەمىندە ستيپەنديا جەڭىپ الدى
اتاۋلى ستيپەنديانى بەرۋگە بولىنگەن قاراجاتتىڭ جالپى مولشەرى 1000000 تەڭگەنى قۇرادى، دەپ حابارلايدى قر ۇلتتىق بانكىنىڭ باسپا ءسوز قىزمەتىنەن.
يسلامدىق قارجىلاندىرۋ بويىنشا اتاۋلى ستيپەنديا ەلىمىزدىڭ قارجى جۇيەسىنىڭ بىلىكتى ماماندارىنىڭ الەۋەتىن قالىپتاستىرۋ، ءبىلىم بەرۋدىڭ بارلىق دەڭگەيىندە جۇرگىزىلەتىن ەكونوميكالىق زەرتتەۋلەردى ىنتالاندىرۋ جانە قازاقستان رەسپۋبليكاسى حالقىنىڭ يسلامدىق قارجىلاندىرۋ جونىندەگى قارجىلىق ساۋاتتىلىعىن ارتتىرۋ ماقساتىندا بەرىلەدى.
كونكۋرسقا قاتىسۋعا ستۋدەنتتەردىڭ جانە/نەمەسە ماگيسترانتتاردىڭ كەمىندە ءۇش ادامنان تۇراتىن، ءبىراق بەس ادامنان اسپايتىن، ءبىر جوبانى ءبىر جۇمىسقا بىرىكتىرگەن توپتارى جىبەرىلدى.
بايقاۋعا اقمولا، الماتى، اقتوبە، باتىس قازاقستان، قاراعاندى، قىزىلوردا، پاۆلودار، وڭتۇستىك قازاقستان وبلىستارىنىڭ، سونداي-اق استانا جانە الماتى قالالارىنىڭ جوعارى وقۋ ورىندارىنان بارلىعى 58 جوبا كەلىپ ءتۇستى.
كونكۋرسقا قاتىسۋشىلار ۇسىنعان جوبالاردىڭ تاقىرىپتارى يسلامدىق بانكينگكە، ساقتاندىرۋعا (تاكافۋل)، باعالى قاعازدارعا (سۋكۋك)، سونداي-اق الماتىنى يسلامدىق قارجىلاندىرۋدىڭ وڭىرلىك حابى رەتىندە ورنىقتىرۋ ماسەلەلەرىنە قاتىستى بولدى.
كونكۋرستىڭ اقتىق سىنىنا (جوبالاردى پرەزەنتاتسيالاۋ) ALMA University، قمەبي جانە ءالفارابي اتىنداعى قاز ۇ ۋ-دىڭ 5 ستۋدەنتتىك توبى ءوتتى.
قۇرامىنا قازاقستان رەسپۋبليكاسى ۇلتتىق بانكىنىڭ، «Al Hilal» يسلام بانكى» ا ق- تىڭ، سونداي-اق يسلامدىق قارجىلاندىرۋدى دامىتۋ قاۋىمداستىعىنىڭ وكىلدەرى كىرگەن كوميسسيا «قازاقستانداعى يسلامبانكينگىنىڭ دامۋ مودەلى مەن بولاشاعىن باعالاۋ» تاقىرىبىنداعى جوبانى
پرەزەنتاتسيالاعان ءال-فارابي اتىنداعى قاز ۇ ۋ-دىڭ كومانداسىنا ءبىرىنشى ورىن بەردى.
ەستەرىڭىزگە سالا كەتەيىك، 2009 - جىلى قازاقستان رەسپۋبليكاسىندا يسلامدىق قارجىلاندىرۋ جونىندەگى زاڭ قابىلداندى، وعان سايكەس يسلام بانكتەرىنىڭ، يسلامدىق ينۆەستيتسيالىق قورلاردىڭ جۇمىس ىستەۋى، يسلامدىق باعالى قاعازداردى شىعارۋ ءۇشىن جاعداي جاسالعان. 2011 - جىلى مەملەكەتتىك يسلامدىق باعالى قاعازداردى شىعارۋ مۇمكىندىگىن كوزدەيتىن، سونداي- اق قازاقستان رەسپۋبليكاسىنىڭ رەزيدەنتتەرى شىعاراتىن يسلامدىق باعالى قاعازدار وريگيناتورلارىنىڭ تىزبەسىن كەڭەيتەتىن زاڭ قابىلداندى.
يسلامدىق قارجىلاندىرۋدى، ساقتاندىرۋدى جانە ليزينگتى دامىتۋ ماقساتىندا قازاقستان رەسپۋبليكاسىنىڭ ۇلتتىق بانكى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساقتاندىرۋ جانە يسلامدىق قارجىلاندىرۋ مəسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭنىڭ جوباسىن ازىرلەدى. قازىرگى ۋاقىتتا بۇل زاڭ جوباسى قازاقستان رەسپۋبليكاسى پارلامەنتىنىڭ تالقىلاۋىندا جاتىر.
قازىرگى ۋاقىتتا رەسپۋبليكادا استانا، الماتى جانە شىمكەنت قالالارىنداعى فيليالدارىمەن العاشقى «Al Hilal» يسلام بانكى، ساقتاندىرۋدىڭ ءداستۇرلى تۇرىمەن قامتىلماعان ادامدار ءۇشىن ساقتاندىرۋ قىزمەتتەرىن كورسەتەتىن العاشقى «تاكافۋل» ءوزارا حالال ساقتاندىرۋ قوعامى» و ك يسلامدىق ساقتاندىرۋ كومپانياسى جۇمىس ىستەۋدە. سونىمەن قاتار ICD قاتىسۋىمەن قازاقستاندا «Kazakhstan Ijara Company» اق يسلامدىق ليزينگ كومپانياسى تىركەلدى.
