ورالدا پالۋاندار 1 ميلليون تەڭگە ءۇشىن بەلدەسەدى

ب ق و قازاق كۇرەسى فەدەراتسياسىنىڭ پرەزيدەنتى قايمەن ەسەندياروۆتىڭ ايتۋىنشا، تۋرنير اق جايىقتىڭ اتىن اسقاقتاتقان ءتورت بىردەي داڭقتى سپورتشىنىڭ قۇرمەتىنە وتكىزىلمەك. ولار - قازاق كۇرەسىنەن قازاقستاننىڭ 1939-جىلعى تۇڭعىش تۇيە پالۋانى، كەيىن ۇلى وتان سوعىسىندا ەرلىكپەن قازا تاپقان ەڭسەپ دوسقاليەۆ، سامبودان 1989-جىلعى الەم چەمپيونى اسقار شايحيەۆ پەن ونىڭ باپكەرى، قازاقستاننىڭ ەڭبەك سىڭىرگەن جاتتىقتىرۋشىسى باتىر قۋانىشيەۆ جانە قازاق كۇرەسىنەن ب ق و-نىڭ بىرنەشە مارتە تۇيە پالۋانى ورالبەك قوجاگەلدين.

جارىستا اقتوبە، اتىراۋ، قىزىلوردا، وڭتۇستىك قازاقستان، ماڭعىستاۋ، باتىس قازاقستان (ءار اۋداننان ءبىر ادامنان) وبلىستارى جانە الماتى، استانا قالاسىنىڭ پالۋاندارى باق سىنايدى. ولار بوز كىلەمگە 90 جانە 90 كەلىدەن جوعارى سالماقتا شىعادى.

ايتا كەتەيىك، وزگە دە باعالى جۇلدەلەرمەن قاتار، ءتۋرنيردىڭ تۇيە پالۋانى اتانعان پالۋانعا 1 ميلليون تەڭگە تابىس ەتىلمەك.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى