قازاقستاندا جىل سوڭىنا دەيىن ماشينا جاساۋ سالاسىنىڭ وندىرىستىك كولەمى 1 ترليون تەڭگەگە جەتپەك

 بۇل تۋرالى بۇگىن VII استانا ەكونوميكالىق فورۋمىندا قازاقستاننىڭ ماشينا جاساۋشىلارى وداعىنىڭ ءتوراعاسى مەيرام پىشەمبايەۆ ءمالىم ەتتى.

 «2010 -جىلى - ۇدەمەلى يندۋستريالىق- يننوۆاتسيالىق باعدارلاما ىسكە اسىرىلا باستاعان كەزەڭدە قازاقستاندا ماشينا جاساۋ سالاسى ءوندىرىسىنىڭ جالپى كولەمى 220 ميلليارد تەڭگە بولعان ەدى. 2013 -جىلدىڭ قورىتىندىسى بويىنشا ونىڭ دەڭگەيى 857 ميلليارد تەڭگەگە جەتكەن. بيىل ەداۋىر ءوسىم - 1 ترليون 100 ميلليارد تەڭگە بولادى دەپ جوسپارلاپ وتىرمىز» ، - دەدى ول.

ونىڭ سوزىنە قاراعاندا، بۇنداي ناتيجەنى ەلدە وندىرىستەردىڭ كوبەيۋىمەن تۇسىندىرۋگە بولادى. بۇلار - لوكوموتيۆتەردى، جۋك ۆاگوندارى، تىكۇشاقتار، گاز تۋربينالارى، كولىك، تراكتورلار شىعارۋ جانە باسقا دا وندىرىستەر.

 «بۇل قارقىن باسەڭدەمەيدى. ءۇ ي ي د ب- ءنىڭ كەلەسى بەسجىلدىعىندا دا وسى باعىتتان تايمايمىز. بۇل باعدارلامادا 16 باسىم باعىت كورسەتىلگەن، سونىڭ ىشىندە التاۋى ماشينا جاساۋ سالاسى بويىنشا» ، - دەدى م. پىشەمبايەۆ.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى