ايماقتار بويىنشا ينفلياتسيا مامىر ايىندا 19 وڭىردە باسەڭدەدى - ۇلتتىق بانك

ەلدە جىلدىق ينفلياتسيا باياۋلاپ، 15,9 پايىز بولدى (ساۋىردە - 16,8 پايىز). ايماقتار بويىنشا ينفلياتسيا بارلىق 19 وڭىردە باسەڭدەدى. ال، اقمولا وبلىسىندا بۇرىنعى 17,6 پايىز دەڭگەيىندەگى ءمانىن ساقتاي وتىرىپ، وزگەرگەن جوق.

جىلدىق ينفلياتسيانىڭ ەڭ جوعارى ءمانى اقمولا، ماڭعىستاۋ جانە سولتۇستىك قازاقستان وبلىستارىندا تىركەلدى.

ازىق-تۇلىك تاۋارلارىنىڭ باعاسى ج/ج 16,5 پايىزعا دەيىن (ساۋىردە - 17,9 پايىز) باياۋلادى. وسى توپتاعى تاۋارلاردىڭ باعاسى ماڭعىستاۋ وبلىسىندا (20,7 پايىز) بارىنشا جوعارى، ال الماتى قالاسىندا (14,3 پايىز) مەيلىنشە تومەن ءوستى.

ازىق-تۇلىككە جاتپايتىن تاۋارلار باعاسىنىڭ ءوسۋ قارقىنى ج/ج 17,2 پايىزعا دەيىن باياۋلادى (ساۋىردە - 18,2 پايىز). ەڭ جوعارى ءمان استانا قالاسىندا (23,6 پايىز)، ەڭ تومەن ءمان الماتى وبلىسىندا (14,1 پايىز) تىركەلدى.

اقىلى كورسەتىلەتىن قىزمەت باعاسى ج/ج 13,5 پايىزعا دەيىن باياۋلادى (ساۋىردە - 13,7 پايىز). بۇل رەتتە جالپى رەسپۋبليكالىق دەڭگەيدەن باعا اقمولا وبلىسىندا (18,1 پايىز) ءبىرشاما جوعارى، استانا قالاسىندا (10,2 پايىز) ايتارلىقتاي تومەن ءوستى.

ەلدەگى ايلىق ينفلياتسيا 0,6 پايىزعا ءوستى. بۇل - تاريحي ورتاشا ماننەن (2017-2021-جىلدارى مامىردا - 0,5 پايىز) جوعارى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى