ۇلىتاۋ وبلىسىندا 19 جولاۋشى مىنگەن اۆتوبۋس اۋدارىلدى
«16- قاراشادا بايدالى ءبي اۋىلىنىڭ ماڭىنداعى «قىزىلوردا - پاۆلودار» اۆتوجولىنىڭ 722-شاقىرىمىندا شاعىن اۆتوبۋستىڭ جۇرگىزۋشىسى رۋلگە يە بولا الماي قالىپ، 19 جولاۋشى مىنگەن كولىكتىڭ اۋدارىلۋىنا جول بەردى. جول-كولىك وقيعاسى سالدارىنان 3 ادام زارداپ شەكتى»، - دەلىنگەن مالىمەتتە.
وقيعا تۋرالى حابارلاما ۇلىتاۋ وبلىسىنىڭ تراسسا بويىنداعى «اقتۇبەك» مەديتسينالىق-قۇتقارۋ پۋنكتىنىڭ (ت م ق پ) ديسپەتچەرىنە جاڭاارقا اۋدانى توتەنشە جاعدايلار بولىمىنەن تۇسكەن.
«وقيعا ورنىنا ارنايى رەانيموبيلمەن جول بويىنداعى پۋنكت بريگاداسى دەرەۋ جەتتى.
ت م ق پ بريگاداسى زارداپ شەككەن 3 ادامعا كومەك كورسەتتى. زارداپ شەككەن 1 ادام ورتاشا دارەجەدەگى جاراقاتتارمەن جاڭاارقا اۋدانىنىڭ ورتالىق اۋداندىق اۋرۋحاناسىنا جاتقىزىلدى»، - دەلىنگەن مينيسترلىك اقپاراتىندا.
