الماتىدا تابيعاتتىڭ توسىن مىنەزىنەن 19 اعاش قۇلادى

قالالىق اكىمدىك تاراتقان مالىمەتكە سايكەس، مەگاپوليستە جاڭبىر مەن داۋىل سالدارىنان 19 اعاش قۇلادى. 1 اۆتوكولىك پەن 1 ءۇي زارداپ شەكتى.

«11-مامىرداعى 20:30-داعى جاعدايى بويىنشا نوسەرلى جاڭبىر سالدارىنان «112» جەلىسىنە جەكە تۇرعىن ۇيلەردىڭ اۋلا اۋماقتارىن، كوپقاباتتى كوشەلەردىڭ، جەرتولەلەرىن سۋ باسۋ تۋرالى 70 حابارلاما كەلىپ ءتۇستى، وقيعا ورنىنا قىزمەتكەرلەردى جىبەرگەنىمەن، ونىڭ ىشىندە 18 جاعداي راستالمادى، 13 سۋ باسۋ فاكتىسى جويىلدى، قالعان ۋچاسكەلەر بويىنشا جۇمىس جۇرگىزىلۋدە»، - دەلىنگەن حابارلامادا.

سينوپتيكتەردىڭ بولجاۋىنشا، الماتىدا جاڭبىر الداعى ءۇش تاۋلىك ۇزىلىسپەن جاۋادى.

«12-مامىردا قاتتى جاڭبىر جاۋىپ، نايزاعاي وينايدى. سولتۇستىك- باتىستان جەل سوعىپ، ونىڭ ەكپىنى سەكۋندىنا 15-20 مەترگە جەتپەك. وسىعان بايلانىستى قالا تۇرعىندارى مەن قوناقتارىن، جاۋىن- شاشىن كەزىندە عيماراتتار مەن ءۇي- جايلاردان مۇمكىندىگىڭىزشە شىقپاۋعا جانە كولىكتەردى اعاشتاردىڭ استىنا قويماۋعا شاقىرامىز»، - دەپ حابارلادى دەپارتامەنتتەن.

اۆتور: الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى