بالقاشتا حابار- وشارسىز كەتكەن 19 جاستاعى بويجەتكەننىڭ دەنەسى تابىلدى
قىزدى ىزدەۋ جۇمىستارى 2-قاراشادا باستالعان بولاتىن. بويجەتكەن سول كۇنى ۇيدەن شىعىپ كەتىپ، قايتىپ ورالماعان. اناسى شۇعىل پوليسياعا حابار بەرگەن. پوليتسيا مەن جوعالعانداردى ىزدەيتىن ۆولونتەرلەر قوزعالىسى بىردەن ىسكە كىرىستى.
«2-قاراشادا بالقاش قالاسى پوليتسياسىنىڭ كەزەكشى بولىمىنە 55 جاستاعى قالا تۇرعىنىنان ءوتىنىش ءتۇستى. ول 19 جاستاعى قىزىنىڭ حابار- وشارسىز كەتكەنىن ءمالىم ەتكەن. بۇل فاكتى تىركەلىپ، پوليتسيانىڭ بۇكىل جەكە قۇرامى بويجەتكەندى ىزدەۋگە جۇمىلدىرىلدى» دەلىنگەن قاراعاندى وبلىستىق پوليتسيا دەپارتامەنتى تاراتقان مالىمەتتە.
بۇگىن، 3-قاراشا كۇنى ىزدەۋ جۇمىستارى كەزىندە بالقاش كولىنە جاقىن ماڭنان 19 جاستاعى قىزدىڭ دەنەسى تابىلدى. مايىتتە كوزگە كورىنەتىن ازاپتاۋ بەلگىلەرى بايقالمايدى. قىزدىڭ ءولىمىنىڭ الدىن الا سەبەبى - اعزانىڭ ايازعا ءۇسۋى.
«اتالعان جاعداي نەگىزىندە بۇكىل ساراپتاما تاعايىندالدى، ءولىم سەبەبى انىقتالىپ جاتىر» دەپ تۇيىندەدى دەپارتامەنتتىڭ باسپا ءسوز قىزمەتىنەن.
