شىعىس قازاقستاندا بيىل 19 كوپىر سالىندى

شىعىس قازاقستاندا ءورت ءورشىپ تۇر وڭىردە رەسپۋبليكالىق ماڭىزى بار جولداردىڭ جالپى ۇزىندىعى - 3414 شاقىرىم. بيىل ونىڭ 1074 شاقىرىمى جوندەلىپ جاتىر. بۇل جايلى باسپا ءسوز كونفەرەنتسياسى بارىسىندا «قازاۆتوجول» ا ق شىعىس قازاقستان وبلىسىنداعى فيليالىنىڭ ديرەكتورى اسىلبەك نۇعمانوۆ مالىمدەدى.

«بيىل جولداردى قايتا جاڭارتۋعا، كۇتىپ- ۇستاۋعا، كۇردەلى جانە ورتاشا جوندەۋگە 33 ميلليارد تەڭگەدەن استام قاراجات بولىنگەن. «نۇرلى جول» باعدارلاماسى اياسىندا جالپى ۇزىندىعى 869 شاقىرىم بولاتىن «تالدىقورعان- قالباتاۋ- وسكەمەن» جانە «قالباتاۋ- مايقاپشاعاي» سىندى ەكى ماڭىزدى كولىك ءدالىزىن رەكونسترۋكتسيالاۋ جالعاسۋدا»، - دەدى ول.

اسىلبەك نۇعمانوۆتىڭ ايتۋىنشا، بۇگىنگى تاڭدا جوبالارعا سايكەس 490 شاقىرىم اسفالت- بەتون جابىندىسى مەن 600 شاقىرىم جولدىڭ نەگىزى قالانىپ، ءۇش كولىك ايرىعى، 19 كوپىر جانە 375 سۋ وتكىزۋ قۇبىرى سالىندى.

«بيىل رەسپۋبليكالىق ماڭىزى بار «تاسكەسكەن- باقتى» تاسجولىنىڭ 20 شاقىرىمى پايدالانۋعا بەرىلدى. كاتونقاراعاي اۋدانىنداعى بەرەل اۋىلى مەن «راحمان قاينارى» شيپاجايى اراسىنداعى ءتورت كوپىردى كۇردەلى جوندەۋدىڭ جوبا- سمەتا قۇجاتتاماسىن تۇزەتۋ جۇمىستارى باستالدى. جوبانى ىسكە اسىرۋ 2022 -جىلعا جوسپارلانعان»، - دەدى فيليال ديرەكتورى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى