جۇزدەگەن جاستار دۇكەندەردى توناپ، 19 پوليتسەيدى جاراقاتتادى

20 عا جۋىق پوليتسيا قىزمەتكەرى جاراقات الدى، دەپ حابارلايدى BBC .

تىلشىلەرگە شتۋتگارت قالاسى پوليتسياسىنىڭ ۆيتسە-پرەزيدەنتى توماس بەرگەر ءمالىم ەتكەندەي، قاقتىعىستار ەسىرتكى قولدانۋ فاكتىسى بويىنشا پوليتسەيلەر 17 جاستاعى ەر بالادان جاۋاپ العاننان كەيىن باستالدى.

ءتارتىپ ساقشىلارى سول كۇنى كەشكە ەسىرتكى ساتۋشىلاردى ۇستاۋ شارالارىن وتكىزگەن. وسىدان كەيىن شلوسسپلاتتس ورتالىق الاڭىندا باسىم بولىگى جاستاردان قۇرالعان 100-200 گە جۋىق ادام پوليتسەيلەرگە تاس پەن بوتەلكەلەر لاقتىرا باستاعان.

شابۋىل جاساۋشىلاردىڭ قاتارى جىلدام ارتىپ، 500 گە جەتكەن. ولاردىڭ دەنى بەتپەردەدە نەمەسە كاپيۋشوندا بولعان. جينالعاندار سونداي-اق قالا ورتالىعىندا دۇكەندەردىڭ ۆيترينالارىن سىندىرىپ، توناعان. سالدارىنان 19 پوليتسەي جاراقات الدى، 12 پاترۋل كولىگى زاقىمداندى. بارلىعى 40 دۇكەنگە شىعىن كەلدى، ونىڭ 9 ى تونالدى. جەرگىلىكتى پوليتسيا باسشىسى فرانك لۋتتستىڭ ايتۋىنشا، سوڭعى 3-4 اپتادا «ويىن-ساۋىق كەشىن ۇناتاتىندار» بىرنەشە مارتە ءتارتىپ ساقشىلارىنا قارسىلىق تانىتقان.

ولار قوعامدىق ورىنداردا ىشىمدىك ءىشىپ، الەۋمەتتىك جەلىلەردە پوليتسەيلەرگە قارسى اگرەسسيا تانىتىپ كەلگەن. قالا مەرى فريتس كيۋننىڭ سوزىنشە، سول كۇنى كەشكە قالا ورتالىعىندا ادامدار ەرەكشە كوپ بولعان.

سەبەبى كوروناۆيرۋس پاندەمياسىنا بايلانىستى تۇنگى كلۋبتار ءالى دە جابىق تۇر. پوليتسيا بارلىعى 24 ادامدى تۇتقىندادى. ونىڭ 12 ءسى - گەرمانيانىڭ، قالعان 12 ءسى - وزگە ەلدەردىڭ ازاماتتارى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى