كورەيادا توبەلەس شىعارعان 19 قازاقستاندىق ۇستالدى
بۇل مالىمەتتى سىرتقى ىستەر مينيسترلىگى راستادى.
«18- ساۋىردە وڭتۇستىك كورەيانىڭ كۆاندجۋ قالاسىندا ەلدە زاڭسىز جۇرگەن قازاقستاننىڭ 19 ازاماتى توبەلەس شىعاردى. وقيعا ورنىنا بارعان پوليتسەيلەر 19 قازاقستاندىقتى ۇستادى»، - دەدى مينيسترلىكتىڭ رەسمي وكىلى ايبەك سمادياروۆ.
سمادياروۆ قازاقستاننىڭ وڭتۇستىك كورەياداعى ەلشىلىگى وقيعانىڭ ءمان-جايىن انىقتاپ جاتقانىن ايتتى.
«ءبىزدىڭ ديپلوماتتار بۇل ماسەلەنى باقىلاۋدا ۇستاپ وتىر، جەرگىلىكتى پوليتسيا مەن كوشى-قون قىزمەتىمەن بايلانىستا»، - دەدى سمادياروۆ.
