قازاقستان حالقىنىڭ سانى 19 ميلليونعا قاشان جەتەدى؟

اتالعان مالىمەتتى كوميتەتتىڭ رەسمي سايتىندا اشىلعان ونلاين ەسەپتەۋىشتەن دە كورۋگە بولادى. الايدا قازىرگى كەزدە ول جۇيەدە ۇزاقمەرزىمدى بولجام جاسالمايدى. سەبەبى اۆتوماتتى جۇيەنىڭ دەرەكتەر بازاسىن جانە تاعى باسقا تەحنيكالىق ماسەلەلەرىن ءالى دە رەتتەۋ كەرەك.

«ازىرشە، ەسەپتەۋىشتىڭ نەگىزىندە كەلەسى جىلعا دەيىنگى قىسقا مەرزىمدى بولجام جاساۋعا بولادى. ماسەلەن، 2019-جىلدىڭ 1- قاراشاسىن ەنگىزسەك، ول كەزدە قازاقستان حالقىنىڭ سانى شامامەن 18609000 ادامعا جەتەدى.  ال 19 ميلليونعا ناقتى قاي ۋاقىتتا جەتەتىنىمىزدى ايتا المايمىن. دەگەنمەن، قازىرگى مالىمەتتەرگە سۇيەنسەك، 2021-جىلدىڭ ءبىرىنشى جارتىجىلدىعىندا ءبىز اتالعان كورسەتكىشكە جەتەمىز»، - دەدى ن. ايداپكەلوۆ استانادا وتكەن باسپا ءسوز ءماسليحاتىندا.

ايتا كەتەيىك، بۇگىن ق ر ۇلتتىق ەكونوميكا مينيسترلىگىنىڭ ستاتيستيكا كوميتەتى حالىق سانىنىڭ ەسەپتەۋىشىن ىسكە قوستى. ەندى، كوميتەتتىڭ رەسمي سايتىندا قازاقستان حالقىنىڭ ناقتى سانىن ونلاين رەجيمدە كورىپ وتىرۋعا بولادى. اتالعان جۇيەدە تۋۋ، ءولىم، شەتەلدەن كەلۋ مەن شىعۋ سياقتى كورسەتكىشتەر اۆتوماتتى تۇردە ەسكەرىلەدى.

حالىقتىڭ سانىن جىنىسىنا قاراي بولۋگە دە بولادى. اتالعان جوبا 71 جاستاعى ەربولات مۇسابەكتىڭ جەتەكشىلىگىمەن ىسكە استى. قازاقستاندىق ەسەپتەۋىشتىڭ باستى ارتىقشىلىعى سول، بارلىق مالىمەتتەر اي سايىن جاڭارتىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى