قازاقستان بىرىنشىلىگىندە 19 جاستاعى بوكسشى ازيا چەمپيونىن جەڭدى

52، 60، 69، 81 جانە 91 كەلىدەن جوعارى سالماق دارەجەلەرى بويىنشا جەڭىسكە جەتكەندەر ەرتەڭ قولعاپ تۇيىستىرەتىن بولادى، دەپ حابارلايدى قازاقپارات ءتىلشىسى.

باپكەر مارات جاكىشيەۆتىڭ شاكىرتى 26 جاستاعى سپورت شەبەرى جانە قازىرگى ەل چەمپيونى ازامات يساقۇلوۆ 52 كەلى سالماقتا سەنىمدى تۇردە كەلەسى اينالىمعا ءوتتى. بۇگىنگى باسەكەدە ول بىرنەشە حالىقارالىق جارىستاردىڭ جەڭىمپازى اتىراۋلىق راشيد سالاۋاتوۆپەن كەزدەسىپ، جەڭىسكە جەتتى.

ەندى ول اقتىق سايىستا وسى سالماق بويىنشا مىقتىلاردىڭ ءبىرى الماتى وبلىسىنىڭ سپورتشىسى انۆار مۋزاپاروۆپەن رينگكە شىعادى. Astana Arlans كلۋبىنىڭ قۇرامىنا ەنگەن 25 جاستاعى مۋزاپاروۆ بيىل ساعادات نۇرماعامبەتوۆتى ەسكە الۋعا ارنالعان تۋرنير مەن ەل چەمپيوناتىندا ءۇش رەت جەڭىسكە جەتىپ، التىننان ءۇمىتتى بولىپ وتىر.

تاعى ءبىر ويىندا جامبىلدىق 24 جاستاعى بوكسشى اسلانبەك شىمبەرگەنوۆ پاۆلودارلىق اياتوللا ءتاجىقانوۆتى ۇتىپ، جارتىلاي فينالعا جولداما الدى. 2016 -جىلعى ازيا چەمپيونى بولعان 19 جاستاعى ءتاجىقانوۆ تاجىريبەلى بوكشىعا لايىقتى قارسىلاس بولىپ، ۇلتتىق قۇراما باپكەرلەرىنىڭ نازارىنا ىلىكتى. ەندى شىمبەرگەنوۆتىڭ كەلەسى قارسىلاسى الماتى وبلىسىنىڭ بوكسشىسى بەكبولات قۇرامىسوۆ بولادى. جارتىلاي فينالعا شىققان وزگە جۇپ بويىنشا شىعىسقازاقستاندىق قاناعات مارالوۆ شىقتى. ونى وتكەن جىلعى ەل بىرىنشىلىگىندە ابىلايحان ءجۇسىپوۆ پەن رۋستام شايمەردەنوۆتەر جەڭىس جولىنان شىعارىپ جىبەرگەن ەدى.

جارتىلاي فينالدا سونداي-اق وڭتۇستىك قازاقستاندىق بوكسشى نۇرجان بەكزاتوۆ تا ونەر كورسەتەتىن بولدى. بەلگىلى بولعانداي، ول 19 جاستاعى ماڭعىستاۋلىق سپورتشى ايبولدى داۋرەن ۇلىمەن قولعاپ تۇيىستىرەدى. ەگەر قارسىلاسىن جەڭسە نۇرجان بەكزاتوۆ ەل چەمپيونى پاۆلوداردىق ولجاس بۇقايەۆپەن جەكپە- جەككە شىعادى. بۇگىن بۇقايەۆ قىسقا مەرزىمدە قوستانايلىق جاس بوكسشى دانيل سەمەنوۆتى ويىننان شىعارىپ جىبەردى. كەلەسى اينالىمدا ول استانالىق سپورتشى نۇربولات سەرماحانوۆپەن كەزدەسەتىن بولدى.

ال، رينگ قوجايىنا يسلام جارىسىنىڭ قولا جۇلدەگەرى سۋلتان زاۋربەك 60 كەلى سالماق دارەجەسىندە وليپيادا قاتىسۋشىسى، ازيا چەمپيونى ابدىراحمانوۆپەن قولعاپ ءتۇيىستىردى. الايدا 0:5 ەسەبىمەن جەڭىلىپ قالدى. 31 جاستاعى ءابدىراحمانوۆ كەلەسى اينالىمدا قازىرگى قازاقستان چەمپيونى ادىلەت قۇرمەتوۆپەن كۇش سىناساتىن بولادى. وسى سالماقتاعى ەكىنشى اينالىمدا حالىقارالىق دارەجەدەگى سپورت شەبەرى، «ارلان» كلۋبىنىڭ مۇشەسى 29 جاستاعى زاكىر سافيۋللين قىزىلوردالىق باعدات ۋايدايەۆتى تىزە بۇكتىردى.

سونىمەن قاتار، ەڭ تارتىستى جەكپە-جەكتەردىڭ ءبىرى - وليپيادانىڭ ەكى دۇركىن كۇمىس جۇلدەگەرى ادىلبەك نيازىمبەتوۆ پەن قىزىلوردالىق قۋاندىق ءجۇسىپتىڭ ايقاسى بولدى. بۇل جەكپە- جەكتە ادىلبەك نيازىمبەتوۆ ەشبىر قيىندىقسىز 5:0 ەسەبىمەن تاجىريبەلى قىزىلوردالىق بوكسشىنى تىزە بۇكتىردى. ەندى وليمپيادانىڭ جۇلدەگەرى ەل چەمپيونى بولۋ ءۇشىن تاعى ەكى ويىندا جەڭىسكە جەتۋى ءتيىس.

«بارلىقتارىڭىز كوردىڭىزدەر، قازاقستان چەمپيوناتىنا بارلىق جاس سپورتشىلار جاقسى دايىندىقپەن كەلگەن. ءوزىم وليمپيادادان كەيىنگى العاشقى جەكپە- جەگىمدى ويداعىداي اياقتادىم. الدا تاعى ەكى ويىن بار. ەل بىرىنشىلىگىنەن كەيىن ازيا چەمپيوناتىنا دايىندالۋدى جوسپارلاپ وتىرمىن»، - دەدى ادىلبەك نيازىمبەتوۆ.

وسى سالماق دارەجەسىندە تانىمال بوكسشى، الەم جانە ازيا چەمپيونى، ازيا ويىندارىنىڭ چەمپيونى، قازاقستاننىڭ ءۇش دۇركىن چەمپيونى جانىبەك ءالىمحان ۇلى كۇتپەگەن جەردەن 19 جاستاعى قوستانايلىق سپورتشى ميحايل كوحانچيكتەن 0:5 ەسەبىمەن ەسە جىبەرىپ الدى. جەكپە- جەكتەن كەيىن ميحايل جانىبەككە جاقسى قارسىلاس بولعانى ءۇشىن العىسىن ايتتى. جارتىلاي فينالدا كوحانچيك ماڭعىستاۋلىق بوكسشى بەكزات نۇرداۋلەتوۆپەن قولعاپ تۇيىستىرەدى.

2017 -جىلى قازاقستان چەمپيوناتىنداعى جارتىلاي فينالدا قولعاپ تۇيىستىرەتىن جۇپتاردىڭ ءتىزىمى:

49 كەلى

تەمىرتاس ءجۇسىپوۆ (اقمولا وبلىسى) - سابىر جولاۋشييەۆ (پاۆلودار وبلىسى)

جاندوس نەسىپجان (اقمولا وبلىسى) - شالقار ايقىنباي (و ق و)

52 كەلى

ازامات يساقۇلوۆ (ماڭعىستاۋ) - انۆار مۋزاپاروۆ (الماتى وبلىسى)

اباي قۋاندىقوۆ (اقتوبە وبلىسى) - ولجاس باينيازوۆ (و ق و)

56 كەلى

يلياس سۇلەيمەنوۆ (استانا) - نۇرسۇلتان كوشەعۇلوۆ (اقمولا وبلىسى)

جانبولات قىدىربايەۆ (جامبىل وبلىسى) - نۇربول قالجانوۆ (ماڭعىستاۋ وبلىسى)

60 كەلى

ەرتۋعان زەينۋللينوۆ (الماتى وبلىسى) - زاكير سافيۋللين (و ق و)

ادىلەت قۇرمەتوۆ (ش ق و) - بەرىك ابدراحمانوۆ (ماڭعىستاۋ)

64 كەلى

قۋان قۋاتوۆ (پاۆلودار وبلىسى) - بەكداۋلەت يبراگيموۆ (و ق و)

سابىرجان بەكبەرگەنوۆ (اقمولا وبلىسى) - ساناتالى تولتايەۆ (الماتى)

69 كەلى

اسلانبەك شىمبەرگەنوۆ (جامبىل وبلىسى) - بەكبولات قۇرامىسوۆ (الماتى وبلىسى)

رۋستام شايمەردەنوۆ (قاراعاندى وبلىسى) - قاناعات مارالوۆ (استانا)

75 كەلى

ساپارباي ايداروۆ (الماتى) - ەرىك ءالجانوۆ (ماڭعىستاۋ)

ۆلاديسلاۆ ستولبوۆسكي (قاراعاندى وبلىسى) - اباي تولەش (و ق و)

81 كەلى

ادىلبەك نيازىمبەتوۆ (ماڭعىستاۋ) - بەك نۇرماعانبەت (و ق و)

بەكزات نۇرداۋلەتوۆ (ماڭعىستاۋ) - ميحايل كوحانچيك (قوستاناي وبلىسى)

91 كەلى

انتون پينچۋك (قوستاناي وبلىسى) - ابزال قۇتتىبەكوۆ (و ق و)

نۇربول التايەۆ (اتىراۋ وبلىسى) - ەركىن مۇحامەدجان (وقو)

+91 كەلى

ولجاس بۇقايەۆ (پاۆلودار وبلىسى) - نۇربولات سەرماحانوۆ (استانا)

ايبولدى داۋرەن ۇلى (ماڭعىستاۋ) - نۇرجان بەكزاتوۆ (و ق و)

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى