قوستاناي وبلىسىنىڭ تۇرعىنى پوليتسياعا 19- عاسىردا جاسالعان مىلتىق تاپسىردى
ول ەسكى مىلتىقتى بۇزىلعان ۇيدەن تاۋىپ العان ەكەن. 19- عاسىردا جاسالعان كونە جادىگەر ەندى ىشكى ىستەر دەپارتامەنتىنىڭ مۇراجايىنا قويىلماق.
«مىلتىق 1863-جىلى رەسەيدەگى تۋلا قارۋ-جاراق زاۋىتىندا جاسالعان. كونە قارۋدى ەندى دەپارتامەنتتىڭ مۋزەيىنە جولدايمىز»، - دەيدى قوستاناي وبلىستىق ءى ءى د اكىمشىلىك پوليتسيا باسقارماسىنىڭ ءبولىم باسشىسى ابزال بولاتوۆ.
قارۋ اكسياسى اياسىندا ايماق پوليتسەيلەرى 118 قارۋ ساتىپ العان. ءوڭىر تۇرعىندارى ءوز ەركىمەن جۇزدەن اسا تەگىس ۇڭعىلى جانە 14 شولاق مىلتىق تاپسىرىپتى. بۇل شاراعا بيىل رەسپۋبليكالىق قازىنادان 5 ميلليون 336 مىڭ تەڭگە بولىنگەن.
قازىر قاراجات تۇگەل يگەرىلدى. ەندى قارۋ-جاراقتى تەگىن قابىلدايمىز، - دەيدى ءتارتىپ ساقشىلارى.
