استانادا 19 -قاڭتاردا پراۆوسلاۆ حريستياندارىنىڭ مەرەكەسى وتەدى

ەسىل وزەنىنىڭ جاعاسىنا دەيىن سالتاناتتى شەرۋ (كرەستنىي حود) ۇيىمداستىرىلادى.

مەرەكەلىك شارا 19 -قاڭتاردا ساعات 11:00 كونستانتينو-ەلەنينسك سوبورىنان باستالادى جانە وزەن جاعاسىندا اياقتالادى، دەپ حابارلايدى ەلوردا اكىمدىگىنىڭ سايتى.

«كرەشەنيە گوسپودنە - پراۆوسلاۆيەلىك شىركەۋدىڭ باستى مەرەكەلەرىنىڭ ءبىرى. 18-19 قاڭتاردا ۋسپەن كافەدرالدىق سوبوردا (كۇيشى دينا كوشەسى، 27)، كونستانتينو-ەلەنينسك سوبورىندا (رەسپۋبليكا داڭعىلى، 12)، سەرافيم ساروۆسكيي شىركەۋىندە (بوگەنباي باتىر داڭعىلى، 8) ءداستۇرلى قۇدايعا قۇلشىلىق ەتۋ ءراسىمى وتەدى»، دەلىنگەن حابارلامادا.

شارالار 18 -قاڭتاردا مەرەكە قارساڭىندا ساعات 8 دە باستالىپ، ساعات 17.00 جالعاسادى. 19 -قاڭتاردا عيبادات ەتۋ ءراسىمى بارلىق شىركەۋلەردە تاڭعى ساعات 8.00 باستالادى.

سونىمەن قاتار، ەسىل وزەنىنىڭ جاعالاۋىندا كەنەسارى حان ەسكەرتكىشىنىڭ جانىندا جانە سامال شاعىن اۋدانىنا قارسى شومىلۋعا ارنالعان ورىندار دايىندالادى. وسىعان بايلانىستى قۇتقارۋشىلار شىنىعۋ تاجىريبەسى جوق بالالارعا، ادامدارعا، دەنساۋلىعى ناشار جاسى ۇلكەن كىسىلەرگە، سونداي-اق ماس ادامدارعا سۋعا تۇسۋگە بولمايتىنىن ەسكەرتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى