كوكشەتاۋدا 19 - عاسىردا قىتايدا جاسالعان كونە ىدىس تابىلدى
دەپ جازادى 24.kz.
ماماندار بۇل جادىگەردىڭ XIX عاسىردىڭ اياعى مەن XX عاسىردىڭ باسىندا اسپان استى ەلىندە جاسالعانىن ناقتى ءدوپ باسىپ ايتا الامىز دەيدى. سەبەبى ىدىستاعى بەينەلەر، ويۋ- ورنەكتەر مەن سۋرەت- كەسكىندەر سول زامانداعى قىتاي قولونەر شەبەرلەرىنىڭ قولتاڭباسى ەكەنى، جازباي تانۋعا مۇمكىندىك بەرەتىنىن ايتادى. ەڭ قىزىعى - بۇل جادىگەردەگى ويۋ- ورنەكتەر اتالعان مۇراجايعا وسىدان 47 جىل بۇرىن اكەلىنگەن تاعى ءبىر قىتاي ىدىسىنا وتە ۇقساس.
ايتا كەتكەن ءجون، بۇل جادىگەردى كوكشەتاۋلىقتار ەندى مۇراجايدىڭ كورمە زالىنان تاماشالاي الادى.
«بۇل ىدىس وسىنى بىزگە تاپسىرعان ايەلدىڭ تۋىسىنا تيەسىلى بولعان ەكەن. ول كىسى مۇنى ەرتەدە پەتروپاۆل قالاسىنداعى جارمەڭكەدەن ساتىپ الىپتى. ال ول اجەي 1987 -جىلى شامامەن 90 جاسىندا ومىردەن وزعان. قاراساڭىزدار، مىنا ەكى ىدىستاعى سۋرەتتەر ءبىر- بىرىنە قاتتى ۇقسايدى. دەرەكتەرگە سۇيەنسەك، بۇل ىدىستار قىتايدىڭ سوڭعى بيلەۋشىسى گۋان ءسۇيدىڭ تۇسىندا جاسالعان»، - دەيدى مۇراجايدىڭ اعا عىلىمي قىزمەتكەرى ايمان سالمۇحامەتوۆا.
