پاۆلودار تۇرعىنى تۋۋ تۋرالى كۋالىگىن 19 جىلدان سوڭ الدى
بۇل تۋرالى قالالىق سوتتىڭ باسپا ءسوز قىزمەتىنەن حابارلايدى.
1996 -جىلدىڭ 16 -اقپانىندا ازاماتشا ش. پاۆلودار قالاسىنىڭ پەرزەنتحاناسىندا بوسانعانى انىقتالدى. تۋۋ تۋرالى كۋالىگى بولماعان بالا مەكتەپتە ورتا ءبىلىم السا، قازىرگى كەزدە كوللەدجدە وقىپ جاتىر. كامەلەتتىك جاسقا جەتكەندە جەكە باسىن كۋالاندىراتىن قۇجاتتاردى الۋ قاجەتتىلىگى تۋىندادى.
ءوتىنىش بەرۋشى تۋۋ تۋرالى انىقتامانى جوعالتىپ العان، ال قۇجاتتىڭ تەلنۇسقاسىن مۇراعاتتىڭ جويىلۋىنا بايلانىستى الۋ مۇمكىن بولمادى.
ازاماتشا ش. اۋداندىق ا ح ا ج ورگاندارىنا ءوتىنىش بىلدىرگەن، ءبىراق انىقتامانىڭ بولماۋىنان تۋۋ تۋرالى كۋالىگى بەرىلمەدى.
ءوتىنىش ءبىلدىرۋشى تالاپتارىن راستاۋ ءۇشىن جازباشا دالەلدەردى ۇسىنعان. بالا تۋۋ فاكتىسى كۋاگەرلەردىڭ تۇسىنىكتەمەلەرىمەن دە راستالدى.
سوت شەشىمىمەن بالا تۋۋ فاكتىسى راستالدى.
