قازاقستان نامىسىن قورعاپ جۇرگەن ۆينچەنتسو نيبالي - «تۋر دە فرانس» 19-كەزەڭىنىڭ جەڭىمپازى اتاندى
استانا. قازاقپارات - «تۋر دە فرانس» كوپ كۇندىگىنىڭ 19-كەزەڭى 138 شاقىرىمدىق ءتورت كۇردەلى ءورى بار تاۋلى باعداردا ءوتتى، دەپ جازادى Sports.kz.
«استانا» ۆەلوشاباندوزى ۆينچەنتسو نيبالي سۋىرىلىپ العا شىعىپ، توپتان ەكى مينۋت بۇرىن كەلدى. بۇل ونىڭ كەزەڭنىڭ جەڭىمپازى بولۋىنا جول اشتى.
كولۋمبيالىق نايرو كينتا («Movistar») ەكىنشى كورسەتكىشكە قول جەتكىزسە، كەزەڭنىڭ كوشباسشىسى بولىپ كەلە جاتقان بريتاندىق كريس فرۋم («Sky») مارە سىزىعىن ءۇشىنشى بولىپ قيدى.