اقمولالىقتار 19 ميلليارد تەڭگە قارىزى ءۇشىن شەت ەلگە شىعا المايتىن بولدى
وتكەن جىلدىڭ قورىتىندىسى جانە 2015 -جىلدىڭ باسىنان بەرى سوت اكتىلەرى جانە باسقا دا اكتىلەر بويىنشا قارىزدارىن وتەمەگەن 8755 اقمولالىقتىڭ ەلىمىزدەن شىعۋىنا شەكتەۋ سالىنعان. تولەنبەگەن قارىز سوماسى 19 ميلليارد تەڭگەدەن اسىپ جىعىلادى.
تەك جىل باسىنان بەرى عانا اتقارۋ ءوندىرىسىن باقىلاۋ جانە تىزىمگە الۋدىڭ اۆتوماتتاندىرىلعان جۇيەسى مالىمەتتەرى بويىنشا 2015 -جىلدىڭ 1 - ساۋىرىنە 210281515 تەڭگە مولشەرىندە قارزىدارىن تولەگەن 127 بورىشكەردەن شەكتەۋ الىندى.
اتالعان بورىشكەرلەرگە قازاقستان رەسپۋبليكاسىنىڭ اكىمشىلىك قۇقىق بۇزۋشىلىق كودەكسىنىڭ 669-بابى بويىنشا اكىمشىلىك جاۋاپكەرشىلىككە تارتۋ ءۇشىن اكىمشىلىك ماتەريالدار ازىرلەنۋدە.
بورىشكەرلەردى قازاقستان رەسپۋبليكاسىنىڭ اۋماعىنان تىس جەرلەرگە شىعۋىنا شەكتەۋ قويۋ ولاردى قارىز تولەتۋگە ىقپال ەتەتىن ەڭ ءتيىمدى تەتىكتەردىڭ ءبىرى، - دەيدى سوت ورىنداۋشىلارى.
قازىرگى ۋاقىتتا جالپى سانى اتقارۋ قۇجاتتارى بويىنشا 1 ميلليارد تەڭگەدەن استام قارىز سوماسىن تولەگەن 834 بورىشكەردەن شەكتەۋ الىنىپ تاستالعان. سونداي-اق سوت ورىنداۋشىلارى وبلىستىڭ تۋريستتىك اگەنتتىكتەرىنە ەلىمىزدەن تىس جەرلەرگە شىعۋعا نيەتتەنگەن قارىزى بار تۇلعالاردىڭ شىعۋىنا شەكتەۋ قويىلعانى تۋرالى حاتتار جولدادى.
قازاقستان رەسپۋبليكاسىنىڭ اۋماعىنان شىعۋىنا شەكتەۋ قويىلعان بورىشكەرلەردىڭ ءتىزىمى ق ر ادىلەت مينيسترلىگىنىڭ رەسمي سايتىندا دا جاريالانعان. ونىڭ ىشىندە سوت شەشىمىن ورىنداۋدان جالتارىپ جۇرگەن 1509 اقمولالىق بار. ولار ەندى بورىشىن وتەگەنشە شەت ەلگە شىعا المايدى.
اۆتور: اسلان وسپانوۆ
