قازاق قىزى الەمنىڭ 19- راكەتكاسىن بەت قاراتپاي ۇتتى

چەمپيونات. كوم سايتىنان الىنعان مالىمەتكە قاراعاندا، زارينا سابيناعا بىردە-ءبىر گەيم بەرمەي، 6:0, 6:0 ەسەبىمەن تىزە بۇكتىردى. 21 جاسار قازاق تەننيسشىسى 9 برەيك-پوينتتىڭ التاۋىن ءساتتى پايدالانا ءبىلدى.

ز. دياس شيرەك فينالعا شىعۋ ءۇشىن يتالياندىق، الەمنىڭ 15- راكەتكاسى سارا ەررانيمەن كۇش سىناسادى. ول ءبىرىنشى اينالىمدا پولياك قىزى، دۇنيە جۇزىلىك رەيتينگتە 9- ورىندا تۇرعان اگنەشكا رادۆانسكانى جەڭىپ كەتتى.

ايتا كەتەيىك، جۇلدە قورى 731 مىڭ ا ق ش دوللارىن قۇرايتىن شتۋتگارت تۋرنيرىنە الەمنىڭ ءبىرىنشى راكەتكاسى، امەريكاندىق سەرەنا ۋيليامستان باسقا مىقتىلاردىڭ ءبارى دەرلىك قاتىسۋدا. سونىڭ ىشىندە بۇعان دەيىن وسى جارىستىڭ قاتارىنان ءۇش مارتە چەمپيونى اتانعان رەسەيلىك، رەيتينگتە ەكىنشى ورىنداعى ماريا شاراپوۆا بيىل دا سول بيىكتەن كورىنۋدى ماقسات ەتىپ وتىر.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى