استانالىقتارعا ارناپ «باتىر ارۋلار» 1998 ءتاتتى توقاش پىسىردى
«باتىر ارۋلار» بايقاۋىنىڭ جەڭىمپازدارى قالا قوناقتارى مەن تۇرعىندارىنا ارناپ ءوز قولدارىمەن اسكەري سيمۆوليكاسى بار ءتاتتى توقاشتار تارتۋ ەتتى. بارلىعى 1998 توقاش پىسىرىلگەن. بۇل ەلوردانىڭ استاناعا كوشىرىلگەن جىلىن بىلدىرەدى.
«ءبىزدىڭ شارا استانا كۇنىنە جانە پرەزيدەنتىمىزدىڭ تۋعان كۇنىنە ارنالىپ وتىر. «باتىر ارۋلار» بايقاۋىنىڭ جەڭىمپازدارى وسىلايشا قالا تۇرعىندارىن قورعانىس مينيسترلىگىنىڭ اتىنان قۇتتىقتاعىمىز كەلدى. وسى ماقساتتا ەلوردالىقتار مەرەكەنى سەزىنسىن دەپ، ءبىز كەڭ داستارحان جايىپ، وسىنداي تاتتىلەر دايىندادىق»، - دەيدى «باتىر ارۋلار» بايقاۋى جەڭىمپازدارىنىڭ ءبىرى، قورعانىس مينيسترلىگى اسكەري پوليتسيا باس باسقارماسىنىڭ قىزمەتكەرى ايگەرىم قاراكۇشىكوۆا.
ونىڭ ايتۋىنشا، توقاشتار ارنايى رەتسەپتپەن دايىندالعان.
«بىزدە بۇل ءتاتتى توقاشتاردى قالاي بەزەندىرەمىز دەگەن كوپ ويلار بولدى. سوڭىندا اسكەري اتريبۋتيكا بولعانى دۇرىس دەپ شەشتىك. ءار توقاشتا ءار ءتۇرلى - بىرىندە جۇلدىزدار بولسا، بىرىندە تانكىلەر جانە قارۋدىڭ سۋرەتتەرى جاسالعان. جاسىل مەن سارى بويالاۋلارمەن كومكەرىلگەن. ولاردىڭ بارلىعى بايتەرەكتىڭ - استانانىڭ سيمۆولىمەن بىرىكتىرىلدى. وسىلايشا، ءبىز اسكەري تاقىرىپتى جانە استانا كۇنىن بىر ارناعا توعىستىرا الدىق»، - دەيدى ول.
شارا بارىسىندا ق ر قورعانىس مينيسترلىگى ورتالىق اسكەري انسامبلىنىڭ سوليستەرىنىڭ قاتىسۋىمەن كونسەرتتىك باعدارلاما ۇيىمداستىرىلدى.
ەسكە سالا كەتەيىك، ق ر قورعانىس مينيسترلىگىنىڭ باستاماسىمەن اسكەري ايەلدەر اراسىندا «باتىر ارۋلار» اتتى بايقاۋ وتكەن بولاتىن. ونىڭ قورىتىندىسىندا ق ر قارۋلى كۇشتەرىندە قىزمەت اتقاراتىن 12 نازىك جاندى ءوز كاسىبىنىڭ ۇزدىكتەرى دەپ تانىلدى.
اۆتور: جاسۇلان جولدىبايەۆ
