بيىل 198 ميلليون دوللارعا شىنى زاۋىتىنىڭ قۇرىلىسى باستالادى
«قازاقستاننىڭ ينۆەستيتسيالىق قورى» ا ق باسقارما ءتوراعاسىنىڭ ورىنباسارى داۋرەن يبراشيەۆتىڭ ايتۋىنشا، اتالمىش جوبا «بايتەرەك» كومپانياسىنىڭ اياسىندا قولعا الىنىپ جاتقان شىنى زاۋىتى 197,1 مىڭ توننا ءونىم شىعارۋعا قاۋقارلى بولادى .
«قازىرگى ۋاقىتتا تەحنيكالىق نەگىزدەمەسى جاسالدى. وسى ايدىڭ باسىندا جوبالاۋ، جابدىق جەتكىزۋ جانە تولىقتاي قۇرىلىسىن جۇرگىزۋ تۋرالى كەلىسىمگە قول قويىلدى. قالا بيلىگى قۇرىلىستى سالۋعا كەلىسىمىن بەردى, ەندى جوبالاۋ جۇرگىزىلۋدە. جوبا قۇنى - 198 ميلليون دوللار. بۇل سوما تەحنيكالىق نەگىزدەمەدەن الدەقايدا تومەن بولىپ شىقتى. قۇرىلىسى بارىسىندا 600 جۇمىس ورنى، وپەراتسيالىق كەزەڭدە 200 جۇمىس ورنى اشىلادى. بيىل زاۋىت قۇرىلىسىن باستايمىز» ، - دەدى ول اكىم ورىنباسارىنىڭ ءسوزىن قوستاپ.
اۆتور: جاسۇلان جولدىبايەۆ
