ا ق ش سەناتورى ەدۆارد كەننەديدىڭ 1978-جىلى الماتىعا جاساعان ءىس ساپارى كەزىندە تۇسىرىلگەن فوتوسۋرەتتەر جاريالاندى - فوتو
وندا سەناتور ەدۆارد كەننەديدىڭ دۇنيەجۇزىلىك دەنساۋلىق ساقتاۋ ۇيىمىنىڭ سامميتى بارىسىندا قازاق ك س ر- ءنىڭ استاناسى - الماتى قالاسىنا كەلگەندىگى قىسقاشا باياندالعان.
ەدۆارد مۋر «تەد» كەننەدي (1932-جىلعى 22- اقپان - 2009-جىلعى 25- تامىز) ا ق ش پرەزيدەنتى دجون كەننەديدىڭ كەنجە ءىنىسى. 1962-2009-جىلدارى ارالىعىندا ماسساچۋسەتس شتاتى اتىنان ا ق ش كونگرەسسىندە سەناتورلىق قىزمەتتە ءجۇردى. وندا ول دەنساۋلىق ساقتاۋ، ءبىلىم، ەڭبەك جانە زەينەتاقىمەن قامسىزداندىرۋ كوميتەتىنىڭ ءتوراعاسى بولدى.
1974-جىلى ەدۆارد كەننەدي ك س ر و- عا كەلىپ، كەڭەس وداعى كوممۋنيستىك پارتياسى ورتالىق كوميتەتىنىڭ باس حاتشىسى لەونيد برەجنيەۆپەن كەزدەستى. ءسويتىپ، يادرولىق قارۋدى سىناۋدى توقتاتۋ جانە ەميگراتسيا ماسەلەسى بويىنشا كەلىسسوزدەر جۇرگىزدى.
ال 1978-جىلى ك س ر و- عا جاساعان كەلەسى ساپارىندا دۇنيەجۇزىلىك دەنساۋلىق ساقتاۋ ۇيىمى مەن يۋنيسەف-ءتىڭ (ب ۇ ۇ- نىڭ بالالار قورى) الماتىدا وتكەن حالىقارالىق العاشقى مەديتسينالىق-سانيتارلىق كومەك كورسەتۋ جونىندەگى كونفەرەنتسياسىنا قاتىستى.
كونفەرەنتسيا بارىسىندا دەنساۋلىق ساقتاۋ سالاسىن دامىتۋدىڭ باستى قۇندىلىعى رەتىندە باستاپقى مەديتسينالىق-سانيتارلىق كومەك كورسەتۋ تۋرالى دەكلاراتسيا قابىلداندى.
الماتىداعى وتكەن كونفەرەنتسياعا الەمنىڭ 146 ەلىنەن دارىگەر ماماندار قاتىستى.
