ساعىنتايەۆتىڭ بۇرىنعى كۇيەۋ بالاسىنان تاركىلەنگەن ساعات اۋكسيوندا 196 ميلليون تەڭگەگە ساتىلدى
ەلەكتروندىق ساۋدا پلاتفورماسىنىڭ سايتىنداعى اقپاراتقا سايكەس، ساۋدا 5-شىلدەدە تاڭعى ساعات 10:00-دە باستالدى. شۆەيتساريانىڭ ايگىلى «RICHARD MILLE» برەندىنىڭ ساعاتى باستاپقىدا 393 ميلليون تەڭگەگە باعالاندى.
اۋكسيون باعانى تومەندەتۋ ادىسىمەن وتكىزىلدى. ياعني، بۇل جاعدايدا باستاپقى باعا تومەندەتىلىپ، اۋكسيوندا ۇسىنىلعان باعانى تولەۋگە ءبىرىنشى بولىپ كەلىسكەن ادام جەڭىمپاز بولدى.
ەسىمى بەلگىسىز قالعان ساتىپ الۋشى بۇل ساعاتتى 196 ميلليون تەڭگەگە ساتىپ العان (ت 196834788).
ەسكە سالايىق، 2018 -جىلدىڭ ماۋسىم ايىندا الاياقتىق جاسادى دەگەن كۇدىككە ىلىنگەن يبراگيم باقىت گەرمانيادان ەكستراديتسيالاندى. ۇستالعان ازامات «Bank RBK» ا ق-نىڭ ءبىر توپ اداممەن الدىن الا ءسوز بايلاسىپ، اسا ءىرى كولەمدەگى قاراجاتتى الاياقتىق جولمەن جىمقىردى دەگەن كۇدىككە ءىلىندى. 2013-2016 -جىلدار ارالىعىندا ۇرلانعان قاراجاتتىڭ جالپى سوماسى 50 ميلليارد تەڭگە جانە 83 ميلليون دوللاردى قۇراعان.
ول 8 جىلعا باس بوستاندىعىنان ايىرىلىپ، مۇلكى تاركىلەندى، سونداي-اق 10 جىل مەرزىمگە ماتەريالدىق جاۋاپكەرشىلىكپەن بايلانىستى بانك جانە قارجىلىق قىزمەتپەن اينالىسۋ قۇقىعىنان ايىرىلدى.
كەيىن ب ا ق-تا ودان قىمبات جىلجىمالى جانە جىلجىمايتىن مۇلىكتەن باسقا، «RICHARD MILLE» RM27-01CA47 / 50 LIMITED EDITION RAFAEL NADAL؛ ماركا، تيپ: RICHARD MILLE ماركالى ساعاتى تاركىلەندى دەگەن اقپارات شىقتى.
