تالدىقورعاندا 195 جاس وتباسىنا پاتەر كىلتى تابىستالدى

كىلت تابىستاۋ راسىمىنە الماتى وبلىسىنىڭ اكىمى اماندىق باتالوۆ پەن تالدىقورعان قالاسىنىڭ اكىمى ەرمەك الپىسوۆ قاتىستى.

«بۇگىن قالا جاستارى ءۇشىن ەرەكشە قۋانىشتى كۇن، ولارعا پاتەر كىلتىن بەرىپ جاتىرمىز»، - دەپ اتاپ ءوتتى ءوڭىر باسشىسى ءوزىنىڭ قۇتتىقتاۋ سوزىندە. بارشا جاستاردىڭ اتىنان قالالىق اۋرۋحانا حيرۋرگى جەڭىس احمەتوۆ مەملەكەت باسشىسىنا، وبلىس جانە قالا باسشىلىعىنا العىس سەزىمىن ءبىلدىردى.

ءۇي جاڭا، جايلى اۋداندا ورنالاسقان. قۇرىلىسى 2012 - جىلعى قاراشادا «ق ب-2020» مەملەكەتتىك باعدارلاماسى اياسىندا باستالعان. ءۇي جوباسىن «ارلان جوبا قۇرىلىس» ج ش س جوبالاۋ كومپانياسى ازىرلەدى. بيۋدجەتتەن وسى ماقساتقا 1 ميلليارد 336 ميلليون 366 مىڭ  430 تەڭگە ءبولىندى. 195 پاتەردىڭ 66 سى - ءبىر بولمەلى، 106 سى - ەكى بولمەلى، 23 ى - ءۇش بولمەلى پاتەر.

ەسكە سالساق، بۇل تالدىقورعانداعى جاستارعا سالىنىپ بەرىلگەن العاشقى ءۇي ەمەس. 60 پاتەردەن ەكى ءۇي جاس وتباسىلارعا 2013 - جىلعى جەلتوقساننىڭ اياعىندا بەرىلگەن. تۇتاستاي، 2014 - جىلى كەزەكتە تۇرعاندارعا وبلىس ورتالىعىندا «قولجەتىمدى باسپانا-2020» باعدارلاماسى بويىنشا الاڭى 22,1 مىڭ شارشى مەتر 4 جالدامالى ءۇي، تۇرعىن ءۇي قۇرىلىس بانكى سالىمشىلارى ءۇشىن 9 مىڭ شارشى مەتر 2 كرەديتتىك ءۇي پايدالانۋعا بەرىلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى