قاراعاندى جاستارى 1941-1945-جىلدارداعى سوعىسقا ءوز كوزقاراستارىن ءبىلدىردى
ۇيىمداستىرۋشىلار بۇل شارانى ۇلى وتان سوعىسىنداعى جەڭىستىڭ 70 جىلدىعىنا ارنادى. كورمەگە جوعارى وقۋ ورىندارى ستۋدەنتتەرى مەن كوللەدجدەر وقۋشىلارىنىڭ 100 دەن استام جۇمىستارى قويىلدى.
«جاستاردىڭ وراسان زور جالپى ادامزاتتىق وقيعاعا كوڭىل اۋدارۋ قۋانىشتى. ارينە، ولار سوناۋ جىلدارداعى سوعىستى تولىق سيپاتتاپ بەرە الماۋى مۇمكىن، دەگەنمەن سوعىس جىلدارىنداعى سۋرەتتەردىڭ، تەليەۆيزيالىق حابارلاردىڭ، ينتەرنەتتىڭ ىقپالى سەزىلەدى. جالپى العاندا ولاردىڭ سوعىسقا دەگەن ءوز كوزقاراستارىن ءبىلدىرۋى ماقتاۋعا تۇرارلىق»، - دەدى ونەرتانۋشى لاريسا زولوتاريەۆا.
ولاردىڭ سوعىس تاقىرىبىنا كوزقاراستارى ارقىلى پاتريوتيزم الەۋەتى كورىنەدى، دەپ پايىمدايدى ونەرتانۋشى.
«ۇلى جەڭىس» پلاكاتىنىڭ اۆتورى اناستاسيا كۋزنەتسوۆا - ۇلى وتان سوعىسى جاۋىنگەرىنىڭ شوبەرەسى.
«مەن دۇنيەگە كەلگەن كەزدە ۇلكەن اتام باقيلىق بولعان. مەن ول تۋرالى اتام مەن اجەمنىڭ اڭگىمەلەرىنەن ەستىم ءبىلدىم. ول ستالينگراد تۇبىندە شايقاسىپ، اۋىر جاراقات العان كورىنەدى. سوعىستان كەيىن قاراعاندىداعى ۇيىنە امان-ەسەن ورالعان»، - دەدى ە. بوكەتوۆ اتىنداعى قارمۋ-دىڭ كاسىبي-كوركەم سۋرەت فاكۋلتەتىنىڭ ستۋدەنتى.
