فلويد مەيۆەزەر سالماعى 193 كەلى ءداۋدىڭ مۇرنىن بۇزدى - كەسكىن

ءبىرىنشى ورتا سالماقتا ونەر كورسەتىپ، بۇگىندە قارسىلاس شاق كەلتىرمەي جۇرگەن كىشى فلويد مەيۆەزەر بوكستان شارشاعان كەزدە ارالاس جەكپە-جەككە دە قاتىساتىن سەكىلدى. وعان تومەندەگى ۆيدەو دالەل بولا الادى.

2008-جىلدىڭ 17-اقپانىندا بوكسشى لاس ۆەگاستا ارالاس جەكپە-جەكتەن وتكەن تۋرنيرلەردىڭ ءبىرىن تاماشالاۋعا بارادى. تۋرنيردىڭ بەل ورتاسىندا ساحناعا ارالاس جەكپە-جەكتەن ەڭ اۋىر سالماقتاعى الەمنىڭ ابسوليۋتتى چەمپيونى بيگ شوۋ شىعىپ، رينگ سىرتىندا ەسەڭگەرىپ تۇرعان سپورتشىنى قورلاي باستايدى. بيگتىڭ بۇل ارەكەتىنە اشۋلانعان مەيۆەزەر رينگكە شىعىپ ونىمەن ەرەگىسىپ، سوزگە كەلىپ قالادى. سول كەزدە ءوزىنىڭ ءداۋ ەكەنىن دالەلدەگىسى كەلىپ شوۋ تىزەرلەپ وتىرىپ فلويدى مازاقتاۋىن جالعاستىرعان. باسىنان ەشقاشاندا ءسوز اسىرىپ كورمەگەن بوكسشى وسى ساتتە بيگكە ءبىر-ەكى سوققى جىبەرىپ، رينگتەن قاشىپ كەتەدى. ءبىر قاراعاندا فلويدتىڭ سوققىسى قاتتى بولدى دەپ ايتۋعا كەلمەيدى. ءبىراق، كەيىن بۇل سوققىلاردان بيگ شوۋدىڭ مۇرنى سىنعانى بەلگىلى بولادى.

سپورتشىلاردىڭ بىتىمگە كەلە الماي قالعانىن ءساتتى پايدالانعان دەلدالدار كەيىن مەيۆەزەر مەن شوۋ اراسىنداعى رەسمي جەكپە-جەك ۇيىمداستىرادى. ءسويتىپ، بۇل ەكى سپورتشى 2008-جىلدىڭ 31-ناۋرىزىندا فلوريدا شتاتىنىڭ ورلاندو قالاسىندا شارشى الاڭدا جولىعادى.

قارسىلاس وزىمەن شامالاس بولعاندا فلويد ونى ءبىر قولمەن ۇرىپ الار ما ەدى. ءبىراق، بۇل جولعى قارسىلاستىڭ بويى دا، سالماعى دا وزىنەن ەكى ەسە ۇلكەن بولعاندىقتان مەيۆەزەر قۋلىققا سالىپ، شوۋدى تەمىرمەن ۇرىپ قۇلاتقان.

فلويد مەيۆەزەر -  بوكسشى. بويى -  173 سانتيمەتر. سالماعى - 66 كەلى. وسى ۋاقىتقا دەيىن كاسىپقوي بوكس شارشى الاڭىندا 47 كەزدەسۋ وتكىزىپ، بارلىعىندا جەڭىسكە جەتكەن. التى مارتە بارلىق سالماق دارەجەسى بويىنشا الەمنىڭ ۇزدىك بوكسشىسى اتانعان. WBC، WBA تۇجىرىمدارى بويىنشا الەمنىڭ تەڭدەسسىز چەمپيونى.

بيگ شوۋ (شىن اتى - پول رەندالل ۋايت) - رەستلەر. بويى - 2,13 سانتيمەتر. سالماعى - 193 كەلى. ارالاس جەكپە-جەكتەن ەڭ اۋىر سالماقتاعى الەم چەمپيونى. WWE, WCW جانە ECW بەلبەۋلەرىنىڭ يەگەرى.

اۆتور: قاينار كەڭشىلىكوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى