سيريادا ءجۇرىپ جاتقان ازامات سوعىسى 191000 ادامنىڭ ءومىرىن جالمادى

بۇل تۋرالى ب ۇ ۇ ۇيىمىنىڭ ادام قۇقىعى بويىنشا باسقارماسىنىڭ بايانداماسىندا جاريا ەتىلدى.

بۇل بايانداما سيريا ۇكىمىتىنە ءار ءتۇرلى اقپارات كوزدەرىنەن كەلىپ تۇسكەن دەرەكتەرگە نەگىزدەلگەن. الايدا، ب ۇ ۇ ادام قۇقىعى بويىنشا جوعارى كوميسسارى ناۆي پيللەيدىڭ ايتۋىنشا، قازا بولعاندار سانى بۇدان دا كوپ بولۋى مۇمكىن.

 «بۇل جەردە الەمدىك قوعامداستىقتىڭ سيرياداعى ازامات سوعىسىن توقتاۋدا دارمەنسىزدىك تانىتۋى، قىلمىسكەرلەردى بۇدان بەتەر اۋىر قىلمىستار جاساۋعا يتەرمەلەيدى» ، - دەلىنگەن باياندامادا.

«جوعارعى كوميسسار الەمدىك قوعامداستىقتىڭ سيرياداعى قانتوگىستەرگە جەتكىلىكتى كوڭىل بولمەي جاتقاندىعىنا قاتتى قىنجىلىس بىلدىرەدى، - دەدى ءوز سوزىندە بۇۇ ادام قۇقىعى بويىنشا باسقارماسىنىڭ باسپا ءسوز حاتشىسى رۋپەرت كولۆيلل. - وسىلايشا «جىگەردىڭ قۇم بولۋى» سيريا جەرىندە قان توگىپ، ازاپتاۋشىلىق قىلمىستار جاساپ جۇرگەن قىلمىسكەرلەرگە وڭ اسەر ەتەدى. ولار وزدەرىن ەمىن- ەركىن سەزىنەدى. سيرياداعى اسكەري قىلمىستار مەن ادامزاتقا قارسى جاسالىپ جاتقان قىلمىستار تۋرالى دەرەكتەر قولىندا بولا تۇرا، ب ۇ ۇ قاۋىپسىزدىك كەڭەسى «سيريا ءىسىن» حالىقارالىق قىلمىستىق سوتقا بەرمەي وتىر» .

 ب ۇ ۇ دەرەكتەرى بويىنشا، سيرياداعى ازامات سوعىسى سالدارىنان كۇنى بۇگىنگە دەيىن 9 مىڭعا جۋىق جاسوسپىرىمنىڭ ءومىرى قىرشىننان قيىلدى. ولاردىڭ ىشىندە 2 مىڭنان استام بالا - 10 جاسقا تولماعاندار.

ب ۇ ۇ باس حاتشىسى پان گي مۋن الەمدىك قوعامداستىقتى سيرياداعى ازامات سوعىسىن توقتاتۋعا كومەكتەسۋگە شاقىردى. ويتكەنى بۇل قانتوگىس بۇكىل تاياۋ شىعىس ايماعىنا كەرى اسەر ەتۋدە.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى