قازاقستان ارقىلى 19,7 ميلليون توننا ترانزيتتىك جۇك تاسىمالداندى

«ەسەپتىك كەزەڭدە كولىك سالاسىندا ناقتى كولەم يندەكسى 104,8 پايىزدى قۇرادى. ترانزيتتىك كونتەينەرلىك تاسىمالداردىڭ جۇكتەر كولەمى 5 پايىزعا ءوسىمى بايقالادى، 834,6 مىڭ جيىرما فۋنتتىق بالامانى قۇرادى. بۇل رەتتە قازاقستان اۋماعى ارقىلى ترانزيتتىك جۇكتەردىڭ جالپى كولەمى 19,7 ميلليون توننا بولاتىن وڭ ءۇردىستى كورسەتەدى. بۇل وتكەن جىلدىڭ سايكەس كەزەڭىمەن سالىستىرعاندا 12,5 پايىزعا جوعارى»، - دەدى قايىربەك وسكەنبايەۆ.

ونىڭ اتاپ وتۋىنشە، 2022 -جىلعى قاڭتار- قىركۇيەك ايلارىندا قۇرىلىس بويىنشا ناقتى كولەم يندەكسى 105,1 پايىزدى قۇرادى.

«وڭ ديناميكا ماڭعىستاۋ، قاراعاندى، جانە اباي وبلىستارىن قوسپاعاندا 17 وڭىردە بايقالادى»، - دەدى مينيستر.

2022 -جىلىدڭ 9 ايىندا وڭدەۋشى ونەركاسىپتىڭ جيىنتىق كورسەتكىش 104,6 پايىزدى قۇرادى. بۇل تۋرالى ۇكىمەت وتىرىسىندا ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ايتتى.

2022 -جىلدىڭ توعىز ايدىڭ قورىتىندىسى بويىنشا وڭدەۋشى ونەركاسىپتە وڭ ءۇردىس بايقالىپ، جيىنتىق كورسەتكىش 104,6 پايىزدى قۇرادى. ماشينا جاساۋ سالاسىندا 7,6 پايىز دەڭگەيىندە تۇراقتى ءوسىمدى كورسەتىپ وتىر. اۆتوكولىك قۇرالدارىن، ترەيلەرلەر مەن جارتىلاي تىركەمەلەردى شىعارۋ، كومپيۋتەرلەر، ەلەكتروندىق جانە وپتيكالىق جابدىقتار ءوندىرىسى، ەلەكتر جابدىقتارى ءوندىرىسى، باسقا توپتامالارعا ەنگىزىلمەگەن ماشينالار مەن جابدىقتار ءوندىرىسى، ماشينالار مەن جابدىقتاردى جوندەۋ جانە ورناتۋ ارتتى»، - دەدى مينيستر.

ونىڭ دەرەگىنشە، ءتۇستى مەتاللۋرگيادا ناقتى كولەم يندەكسى 108,1 پايىزدى قۇرادى.

«تازارتىلعان مىس، قۇيما التىن، تۇيىرشىكتەردەگى كۇمىس، تازارتىلعان قورعانىس، كاتودتى مىس جانە تازارتىلعان التىن شىعارۋ كولەمى ۇلعايدى. قارا مەتاللۋرگيادا ناقتى كولەم يندەكسى 100 پايىزدى قۇرادى. فەرروسيليتسي، ارماتۋرالىق يلەك، رەلستەر، فاسون پروكاتى، بولات قۇبىرلارى جانە فەرروقورىتپالار وندىرىستەرىنىڭ كولەمى ءوستى»، - دەدى قايىربەك وسكەنبايەۆ.

ءمينيستردىڭ اتاپ وتۋىنشە، جەڭىل ونەركاسىپتە ءوندىرىس 10,2 پايىزعا ءوستى. وعان توقىما بۇيىمدارى، كيىم جانە بىلعارى ونىمدەر ءوندىرىسىنىڭ ءوسۋى وڭ اسەر ەتتى.

«حيميا ونەركاسىبىندە ءوندىرىس كولەمى 10,7 پايىزعا ارتتى. ازىقتىق فوسفاتتىڭ تريكالتسيى مەن امموفوس كولەمى ءوستى»، - دەدى ول.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى