اقمولا وبلىسىندا جاس جىگىت 19 جاستاعى قىزدى 50 مىڭ تەڭگەگە ساتىپ جىبەرگەن
بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.
وبلىستىق ءى ءى د ۇيىمداسقان قىلمىسپەن كۇرەس باسقارماسىنىڭ قىزمەتكەرلەرىمەن قولعا الىنعان جەدەل-ىزدەستىرۋ شاراسى بارىسىندا ادام ساتۋ فاكتىسى بەلگىلى بولدى. وندا 25 جاستاعى جىگىتتىڭ 19 جاستاعى بويجەتكەندى 50 مىڭ تەڭگەگە ساتىپ جىبەرگەنى انىقتالدى.
كۇدىكتىنىڭ سوزىنە قاراعاندا، ول شىلدە ايىنىڭ باسىندا ءبىر قىزبەن تانىسقان كورىنەدى. قالاداعى قوناق ۇيلەردىڭ بىرىندە تۇرىپ جاتقان جىگىت كەيىن بويجەتكەندى وزىمەن بىرگە تۇرۋعا شاقىرادى. وعان كەلىسكەن قىز ءوزىنىڭ قالاعان ۋاقىتىندا قوناق ۇيگە كەلىپ جۇرەدى. ءبىر كۇندەرى ول ءوزىنىڭ جەڭىل ءجۇرىستى ەكەنىن، جىنىستىق قىزمەت كورسەتەتىنىن ايتقان. ال مۇنى ەستىگەن جىگىت كوپ ويلانباستان قىزدى ءوزىنىڭ تانىسىنا 50 مىڭ تەڭگەگە ساتىپ جىبەرگەن.
قازىرگى كەزدە كۇدىكتى ق ر ق پ ك 132-بابى بويىنشا ۋاقىتشا ۇستاۋ يزولياتورىنا قامالدى.
اۆتور: اسلان وسپانوۆ
